SARDIGNA NATZIONE INDIPENDENTZIA - UNIDADE INDIPENDENTISTA

Su Forum de sos Indipendentistas Sardos / Il Forum degli Indipendentisti Sardi


    Acadèmia de su Sardu

    Condividi
    avatar
    realista

    Messaggi : 150
    Data d'iscrizione : 03.02.09

    Acadèmia de su Sardu

    Messaggio  realista il Mar Apr 21, 2009 3:04 pm

    Presentada ofitziali de s'assòtziu Acadèmia de su Sardo ONLUS, assòtziu chi ddu at fundau una truma de prus de 40 fèminas e òminis sardus de dònnia parti de Sardìnnia.

    Sa tenta de s'assòtziu est sa de pesai unu bilinguismu perfetu in Sardìnnia, imperendi totu e duas is bariedadis literàrias, su campidanesu e su logudoresu.

    Si bieus cenàbara su 24 de abrili a is 10.00 in s'aposentu Maria Carta de sa domu de su studianti de bia Trentino in Casteddu.
    avatar
    *sardus.filius*

    Messaggi : 151
    Data d'iscrizione : 03.02.09

    Re: Acadèmia de su Sardu

    Messaggio  *sardus.filius* il Gio Apr 23, 2009 5:29 pm

    realista ha scritto:Presentada ofitziali de s'assòtziu Acadèmia de su Sardo ONLUS, assòtziu chi ddu at fundau una truma de prus de 40 fèminas e òminis sardus de dònnia parti de Sardìnnia.

    Sa tenta de s'assòtziu est sa de pesai unu bilinguismu perfetu in Sardìnnia, imperendi totu e duas is bariedadis literàrias, su campidanesu e su logudoresu.

    Si bieus cenàbara su 24 de abrili a is 10.00 in s'aposentu Maria Carta de sa domu de su studianti de bia Trentino in Casteddu.

    ciao realì..., custa de s'accademia 'e su sardu che mancaiat, no bastaiat sos varios sotzios como che cheriat finas s'Accademia ONLUS. Essende chi no hap'a poder' intervenner' su 24 de abrile a sas 10.00, faghidem'ischire cales sun' sos programmas e cun cale criteriu intendides de bos mover'. In calidade de docente de s'Iscola sarda, sa fundhassyone eitinu.culturale de sa natzione sarda fundada da Antoni Simon Mossa in su 1971 cun Giampiero Zampa Marras, espertu in diritos de sas minorantzias linguisticas istoricas e ricercadore de sos pius prolificos in sos ultimos tempos, bos manifesto sa disponibilidade a tenner' finas calchi cunferentzia a tema.
    Si s'Accademia diat a cherrer' organizare calchi manifestazione subra "sa legge de sos Sardos" so' in possessu de codices chi oltrepassan' s'obsoleta e fossile Carta de Logu de Marianu e Eleonora. Si poi risultedas a bissare sa riunione de Casteddu in Aristanis, Nuoro o Tattari, faghidemi ischire cun tempus po chi mi pota organizare cumpridamente.
    Ringraziendedi ti saludo cun interesse a custa iniziativa. Ciao!!!
    avatar
    realista

    Messaggi : 150
    Data d'iscrizione : 03.02.09

    Re: Acadèmia de su Sardu

    Messaggio  realista il Sab Apr 25, 2009 1:42 pm

    Ciao Sardus,
    io non ho partecipato a questo progetto anche perchè come ben sai non ho le conoscenze neccessarie... però lo condivido appieno e se posso collaborare o partecipare lo faccio volentieri.. Ho messo a conoscenza della tua disponibilità uno dei fondatori dell'Accademia che si è mostrato entusiasta e ti contatterà presto se non l'ha già fatto. Ciao!!
    avatar
    *sardus.filius*

    Messaggi : 151
    Data d'iscrizione : 03.02.09

    Re: Acadèmia de su Sardu

    Messaggio  *sardus.filius* il Sab Apr 25, 2009 6:45 pm

    realista ha scritto:Ciao Sardus,
    io non ho partecipato a questo progetto anche perchè come ben sai non ho le conoscenze neccessarie... però lo condivido appieno e se posso collaborare o partecipare lo faccio volentieri.. Ho messo a conoscenza della tua disponibilità uno dei fondatori dell'Accademia che si è mostrato entusiasta e ti contatterà presto se non l'ha già fatto. Ciao!!

    ba bà, no m'hat ancora cuntatadu niunu realì..., ma cust'ischire chi no tenes connoschentzias però cundividis mi faghet a timer', chie b'est in segus de custa fantomatica accademia? No han' a esser' sos mandigadores chi han' movidu s'argumentu de sa limba sarda in custos ultimos degh'annos?
    A dies de oe tocat de fagher' attenzione in calesisiat movimentu chi si podet organizare, in segus b'hat semper' unu mare de zente chi de su sardu ischit bell' e che pagu (po no narrer' nudda). Tocat a ischire chie comente e cantu ca podet esser' sa solita bufonada 'e semper' e no dia cherrer' esca po los legitimare. Cando m'han' a cuntatare t'hap' a narrer' ite poto pensare, po como so in bidea de denuntziare sa falsificazione de sa cultura nostra chi nos han' dadu a bier' da sa regione, totu sun' in chilca de si fagher' torrare "su 'inari", po cantu interessat sa limba e sa cultura de sos sardos s'hat ispesu 11 milliones de euro in manera indiscriminada e chentza nd'haer' titulu. Cando s'Accademia de su sardu (ch'est una ONLUS) si faghet carrigu de fagher' torrare su 'inari pubblicu male ispesu los hap' a sustenner', ancora, in Sardigna no ch' hat peruna minorantzia linguistica istorica riconnota e niunu s'hat leadu sa briga de andare a bier' ite dimandat sa legge po sa tutela tutela. ch' had' unu dannu culturale immensu a su cale s'assummat su dannu economicu po sas cascias pubblicas e su sardu ..... crees chi siat biu invece est mortu!!!!
    avatar
    realista

    Messaggi : 150
    Data d'iscrizione : 03.02.09

    Re: Acadèmia de su Sardu

    Messaggio  realista il Sab Apr 25, 2009 7:16 pm

    Non capisco perchè devi sempre temere qualcosa. Io non ho competenze in campo linguistico, questo intendevo dire.. Condivido però il loro progetto: la diffusione e l'insegnamento del sardo nelle sue principali varianti, la diffusione, il recupero e la tutela di tutto ciò che è andato o si sta perdendo della nostra cultura, che sia astronomia, botanica, medicina, storia o geografia, senza inventare niente a tavolino ma rispettando ciò che è arrivato così com'è ai giorni nostri.
    avatar
    *sardus.filius*

    Messaggi : 151
    Data d'iscrizione : 03.02.09

    Re: Acadèmia de su Sardu

    Messaggio  *sardus.filius* il Sab Apr 25, 2009 8:36 pm

    realista ha scritto:Non capisco perchè devi sempre temere qualcosa. Io non ho competenze in campo linguistico, questo intendevo dire.. Condivido però il loro progetto: la diffusione e l'insegnamento del sardo nelle sue principali varianti, la diffusione, il recupero e la tutela di tutto ciò che è andato o si sta perdendo della nostra cultura, che sia astronomia, botanica, medicina, storia o geografia, senza inventare niente a tavolino ma rispettando ciò che è arrivato così com'è ai giorni nostri.

    su cane chi iscaddat a s'abba calda timet finas sa frita. Est s'istoria e sa geografia chi mi faghet a timer' massimamente cando si faeddat de rispetare su chi est arrivadu e coment'est arrivadu a custas dies. Si devet primu cumprender' chi in su tempus totu est 'istadu suvertidu, totu est imboligadu e si no si tenen' sos elementos po poder' disarticulare sa cumbinatzione chi han' prenetadu no s'arrivat a nudda. Si cheret istudiare sa limba ma, da su chi paret si cheret valorizare sa limba de sas divisiones no teninde idea chi hamos connotu unu tempus chi dogni tzitade teniat sa legge sua ma sa limba fu' semper' sa matessi. S'insegnamentu de su sardu ...... ecco a inue s'est puntende, ma cale sardu? Dogni 'idda tenet su dialetu sou, in dogni 'idda cambiat da carrela in carrela, dae domo in domo, b'hat variaziones finamentas da pessone a pessone e dd'est a chie s'ischidat primu su manzanu po fagher' baler' sa rejone.
    No ischimos pius nudda de nois, semus inquadrados in d'una sociedade industriale chi nos hat fatu ismentrigare su tzapu e s'aradu, su semen' e sa pianta. Connoschimos su frutu solu ca si 'endet (o si comporat) in su supermercadu, ch'hat cosas chi no si risultan' a cumprender' ca no si giughet ogios ne conca. Chistiono in custos termines realì... ca hapo finidu sa ricerca e pius de su chi poto haer' agatadu no creo chi si potat ma, so' vint'annos poninde sas boghes ma no s'intendet (foltzis po cunfrimmare su 'e esser' testardos e surdos de sos sardos). Bida s'esperientzia chi hapo fatu istudiende sa cultura sarda mi 'enit de timer' e comente si mi 'enit de timer', in segus de sa limba e de sa cultura sarda si prospetat ater' un'imbrogliu peus de su chi hamos bidu da su 1997 a totu oe.
    Si cheren' valorizzare totu sas variades ma a l'ischin' chi sas variedades sun' dialetales e no si podet faeddare in termines de limba?
    Torro a narrer' chi crees chi siat biu e invece est mortu, bi cheret ispiritu ma ..... s'unica rejone chi 'alet est sa materia ..... finanziaria.
    Si senseran' sos finantziamentos dia cherrer' bier' chie si movet po tutelare o valorizzare sa limba e sa cultura de sos sardos ONLUS!!!!
    Penso chi hap'a isetare su cuntatu ma comente semper' si faghet traldu!!!
    avatar
    Plùminus

    Messaggi : 16
    Data d'iscrizione : 05.02.09

    Re: Acadèmia de su Sardu

    Messaggio  Plùminus il Gio Apr 30, 2009 12:16 pm

    Saludi Sardus. Custu fiat su cumbidu a sa presentada:
    http://files.splinder.com/50fcab05fe9e260d587e8cb2bd59a3ee.pdf


    innoi agatas unu "report" de sa presentada:
    http://ivomurgia.splinder.com/post/20411919


    Deu no fatzu parti de custa academia, po imoi a su mancu, ma sciu ca pinnigat a pari una corantena de sotzius fundadoris. Calincunu nomini ddu agatas in cussus documentus chi apu linkau. Podis provai a pigai cuntatus tui etotu cun calincunu de issus.
    Si funt organizendi a pagu a pagu, depint pesai unu situ internet e atra cosa..
    S'idea movit de genti chi tenit una positzioni critica cunfroma a sa LSC e a chini at portau a innantis sa chistioni de su sardu istitutzionali finas a oi.

    S'idea iat a depi essi cussa de promovi totu is bariedadis, ma de tenni comenti arriferimentu linguisticu normativu is traditzionis literarias de su logudoresu e de su campidanesu, aici comenti si funt strantaxadas in custus seculus in s'umperu de literaus, poetas, gramaticus, predis, Cresia ecc. S'assotziu promovit sa regolarizatzioni ortografica de custas duas normas literarias e de is bariedadis prus localis e personalis (manera parivili de scriri e de rapresentai is fonemas, uniformidadi de alfabetu, chistioni de is dopias ecc), circhendi de ddas fai benni a pari a pagu a pagu. S'umperu e unu cunfrontu prus liberu e democraticu tra is sardus ant a fai cresci abellu abellu una cuscentzia linguistica prus unitaria.
    Custu mi parit de airi cumprendiu. Saludi

    Marku

    Messaggi : 306
    Data d'iscrizione : 26.02.09
    Età : 65
    Località : Bidha'e Cresia

    custa limba e custa cultura

    Messaggio  Marku il Gio Apr 30, 2009 12:55 pm

    Saludi Pluminus, bisongiara cumprendi is timorias de Sardus, poita ca inoi in Sardigna puru nc'est a chini si dha istrumpara e chini si dha co.....! Poita a chini at lotau, po fintzass andai a ocupai su cunsillu regionali, apustis s'est agatau foras de s'impinnu, funt arribbaus is mraxanis e si funt fatus mastrus de sa lingua sarda cun sa LSC! Andanta beni is nominis chi apu liggiu de su presidenti a su diretivu, conosciu casi a totus, su presidenti e su vice, prus de is atrus, po essi fatu battallas paris! Comuncas chi ndi teneis prexedi e interessu, su 16 de Maju, Mariu Pudhu, in Bidha'e Cresia, in su Presoni becciu (archiviu comunali), pensu siat facciora de is 5 de merì, presentara sa grammatica de sa lingua sarda, scritta de issu'e totu. Mariu, po chini no dhu isciri, est cussa persona chi paris cun Paulis, sustenianta sa Lingua de Mesania, in parti de sa LSC, giai de diora si podiri agatia in internetu su jassu de su Ditzionariu de sa limba sarda, fatu de issu, cun aggiudu de Oreste puru chi isballiu no fatzu. Saludus indipendentistas.
    avatar
    Plùminus

    Messaggi : 16
    Data d'iscrizione : 05.02.09

    Re: Acadèmia de su Sardu

    Messaggio  Plùminus il Gio Apr 30, 2009 5:48 pm

    Marku ha scritto:Saludi Pluminus, bisongiara cumprendi is timorias de Sardus, poita ca inoi in Sardigna puru nc'est a chini si dha istrumpara e chini si dha co.....! Poita a chini at lotau, po fintzass andai a ocupai su cunsillu regionali, apustis s'est agatau foras de s'impinnu, funt arribbaus is mraxanis e si funt fatus mastrus de sa lingua sarda cun sa LSC! Andanta beni is nominis chi apu liggiu de su presidenti a su diretivu, conosciu casi a totus, su presidenti e su vice, prus de is atrus, po essi fatu battallas paris! Comuncas chi ndi teneis prexedi e interessu, su 16 de Maju, Mariu Pudhu, in Bidha'e Cresia, in su Presoni becciu (archiviu comunali), pensu siat facciora de is 5 de merì, presentara sa grammatica de sa lingua sarda, scritta de issu'e totu. Mariu, po chini no dhu isciri, est cussa persona chi paris cun Paulis, sustenianta sa Lingua de Mesania, in parti de sa LSC, giai de diora si podiri agatia in internetu su jassu de su Ditzionariu de sa limba sarda, fatu de issu, cun aggiudu de Oreste puru chi isballiu no fatzu. Saludus indipendentistas.


    Marku caru, deu no seu a intru 'e su mundu de is maistus de sardu, de is finatziamentus e de totu is interèssius chi furriant a ingiuriu de custas cosas. Seu amantiosu de sa lingua nosta comenti 'e medas de nosu.
    Po mala sorti, de su chi mi contant is amigus e e de su chi biu, mi parit de cumprendi ca is certus de gatu funt tropus.. No fessit poi ca is gatus funt 4 contaus, e is atrus, totu is Sardus chi su sardu ddu manigiant e chi ndi funt meris, parit chi no contint nudda.
    De timi cussus chi si ndi pesant, pigant unu pagu de poderi e de dinai e cumenzant a si crei is meris de su sardu.
    Deu ia a bolli chi custu assotziu nou movessit de is mellus printzipius de collegilidadi e democraticidadi. Inclusividadi e no esclusividadi. Tengu spera chi siat de aici.

    In su cumentu 9 a su "report" chi apu linkau innatis, ddoi at su numuru de telefunu po s'assentai a s'assotziu, pigai cuntatus, pregontai totu is informus chi si bolint. At a arrespundi su presidenti Oresti Pili etotu.
    Sardus puru, chi bolit, gei at a agatai e chini dd'ascurtat.

    Sardus Filius mi parit ca ses de s'Iscola Sarda, a no? Creu chi Oresti tengat relatas bonas cun cussu assotziu... Chi no funt collaborendi giai totus in pari, iat a essi bellu chi cumentzessint...
    Deu m'arregordu custu comunicau chi Zampa Marras, su presidenti de Iscola Sarda iat mandau a Oresti po unu cumbenniu in Cabuderra in su 2007, apariciau de issu etotu. Fait a ddu ligi crachendi innoi

    saludi a totus
    avatar
    *sardus.filius*

    Messaggi : 151
    Data d'iscrizione : 03.02.09

    Re: Acadèmia de su Sardu

    Messaggio  *sardus.filius* il Gio Apr 30, 2009 11:38 pm

    saludu Plumì...,
    diat a esser' bellu ..., anzis, hat a esser' bellu chi cumintzet sa collaboratzione tra s'assotziu nou e S'Iscola Sarda chi, in custos annos est 'istada posta a banda e ismentrigada. Su chi però mi faghet pensare no est s'istandardizzazione de sa limba (chi 'enit a poi) cantu s'interpretazione de sa legge de tutela, inue si rilevat una disparidade de trattamentu tra minorantzias e minorantzias chi deven' faeddare sa limba sutaposta a tutela (tantu chi in termines linguisticos tenet pius diritos un albanesu che unu sardu!). Hat a tocare de dare una definizione de minorantzia linguistica istorica (chi est diferente da sos cuncetos finas literarios de populu e de natzione). Deo so' de S'Iscola Sarda, lu cunfrimmo, so' finas de sa CSS (in sa cale hapo connotu a Oreste) chi est sa "minorantzia linguistica istorica pius organizada chi hepa 'idu in custos annos, ma, lu devo narrer', m'ispantat unu pagu chi hepan' aviadu custu progetu nou chentza m'avisare (totu ischin' cale impignu hepa afrontadu, sas tematicas - finas de cuntratu - chi hapo pesadu finas da su Congresso natzionale e totu sa pelea po atire a cumprimentu sa costituzione de sa minorantzia linguistica istorica chi faeddat su sardu ex L. 482/1999).
    Su problema mannu no est liguisticu o literariu cantu politicu e sociale, e passat in s'interpretazione de sa dispositzione ch'est in sa legge de tutela. Sa minorantzia linguistica istorica no atzetat decisiones istruturales "modernas o democraticas", totu sos discursos chi si sun' fatos finas ai como dian' a cherrer' brujados, cando s'Accademia (o chie po issos) hat a cherrer' fagher' un'arrejonada seria subra sa linea chi si devet sighire po sutaponner' a tutela sa minorantzia linguistica istorica tutelada da sa legge, sa disponibilidade mia est cumpleta, ma, ponimonolu bene in conca da su 1999, est negadu a su sardu calesisiat valore uficiale (sa dispositzione est tassativa).
    Paret feu a lu narrer' finas dae como, ma so' cunfrontende tres istatutos (unu de su cabu 'e susu, unu de su cabu 'e basciu e sa Carta de Logu - chi est ultima arrivada, po no narrer' propriu copiada de sana pianta -) e totas tres sas legislaziones sardas sun' iscritas cun su propriu idioma. So' faeddende de sos Istatutos de Bidda 'e Creja (tantu cara a Marku nostru), de sos Istatutos turritanos de su Liberu Comune de Tattari (durada solu 23 annos ma chi hat dadu a sa tzitad''e su Cabu 'e susu un'esperientzia unica chi rasentat s'utopia) e de sa menzionada Carta de Logu. No b'hat presentzia de diferentzias, tantu de mi fagher' sustenner' chi vicinu a s'annu 1000 in Sardigna ch'haiat una sola "limba sacra" e sos sardos si cumprendian' a s'alziada 'e s'oggiu cun pagas peraulas.
    Realista m'hat nadu chi hat faeddadu cun caligunu de s'Accademia chi s'est mustradu "entusiasta", hamus a bier' ite nde saltiat fora, su chi isco est chi m'agato cun' d'una ricerca finida chentza perun' azudu economicu o finanziariu siat da parte pubrica che brivada, dia a poder' dare una manu 'ona a dirimer' totu custa chistione ma finas ai como niunu m'hat mai calculadu.
    Hamus a bier' ite nd''essit risultat, po como no poto fagher' ateru che isetare comente hapo fatu da 20 annos a cust'ala, siguru chi han' a esser' medas sos chi, a unu tzeltu puntu, s'han' a dever' ricreer' leende cussentzia de su chi nos han' lassadu sos mannos nostros siddadu in mesu 'e sas piegas de sa memoria.
    avatar
    Plùminus

    Messaggi : 16
    Data d'iscrizione : 05.02.09

    Re: Acadèmia de su Sardu

    Messaggio  Plùminus il Sab Mag 02, 2009 1:35 am

    *sardus.filius* ha scritto:saludu Plumì...,
    diat a esser' bellu ..., anzis, hat a esser' bellu chi cumintzet sa collaboratzione tra s'assotziu nou e S'Iscola Sarda chi, in custos annos est 'istada posta a banda e ismentrigada. Su chi però mi faghet pensare no est s'istandardizzazione de sa limba (chi 'enit a poi) cantu s'interpretazione de sa legge de tutela, inue si rilevat una disparidade de trattamentu tra minorantzias e minorantzias chi deven' faeddare sa limba sutaposta a tutela (tantu chi in termines linguisticos tenet pius diritos un albanesu che unu sardu!). Hat a tocare de dare una definizione de minorantzia linguistica istorica (chi est diferente da sos cuncetos finas literarios de populu e de natzione). Deo so' de S'Iscola Sarda, lu cunfrimmo, so' finas de sa CSS (in sa cale hapo connotu a Oreste) chi est sa "minorantzia linguistica istorica pius organizada chi hepa 'idu in custos annos, ma, lu devo narrer', m'ispantat unu pagu chi hepan' aviadu custu progetu nou chentza m'avisare (totu ischin' cale impignu hepa afrontadu, sas tematicas - finas de cuntratu - chi hapo pesadu finas da su Congresso natzionale e totu sa pelea po atire a cumprimentu sa costituzione de sa minorantzia linguistica istorica chi faeddat su sardu ex L. 482/1999).
    Su problema mannu no est liguisticu o literariu cantu politicu e sociale, e passat in s'interpretazione de sa dispositzione ch'est in sa legge de tutela. Sa minorantzia linguistica istorica no atzetat decisiones istruturales "modernas o democraticas", totu sos discursos chi si sun' fatos finas ai como dian' a cherrer' brujados, cando s'Accademia (o chie po issos) hat a cherrer' fagher' un'arrejonada seria subra sa linea chi si devet sighire po sutaponner' a tutela sa minorantzia linguistica istorica tutelada da sa legge, sa disponibilidade mia est cumpleta, ma, ponimonolu bene in conca da su 1999, est negadu a su sardu calesisiat valore uficiale (sa dispositzione est tassativa).
    Paret feu a lu narrer' finas dae como, ma so' cunfrontende tres istatutos (unu de su cabu 'e susu, unu de su cabu 'e basciu e sa Carta de Logu - chi est ultima arrivada, po no narrer' propriu copiada de sana pianta -) e totas tres sas legislaziones sardas sun' iscritas cun su propriu idioma. So' faeddende de sos Istatutos de Bidda 'e Creja (tantu cara a Marku nostru), de sos Istatutos turritanos de su Liberu Comune de Tattari (durada solu 23 annos ma chi hat dadu a sa tzitad''e su Cabu 'e susu un'esperientzia unica chi rasentat s'utopia) e de sa menzionada Carta de Logu. No b'hat presentzia de diferentzias, tantu de mi fagher' sustenner' chi vicinu a s'annu 1000 in Sardigna ch'haiat una sola "limba sacra" e sos sardos si cumprendian' a s'alziada 'e s'oggiu cun pagas peraulas.
    Realista m'hat nadu chi hat faeddadu cun caligunu de s'Accademia chi s'est mustradu "entusiasta", hamus a bier' ite nde saltiat fora, su chi isco est chi m'agato cun' d'una ricerca finida chentza perun' azudu economicu o finanziariu siat da parte pubrica che brivada, dia a poder' dare una manu 'ona a dirimer' totu custa chistione ma finas ai como niunu m'hat mai calculadu.
    Hamus a bier' ite nd''essit risultat, po como no poto fagher' ateru che isetare comente hapo fatu da 20 annos a cust'ala, siguru chi han' a esser' medas sos chi, a unu tzeltu puntu, s'han' a dever' ricreer' leende cussentzia de su chi nos han' lassadu sos mannos nostros siddadu in mesu 'e sas piegas de sa memoria.

    Saludi Filius,
    ho letto spesso i tuoi interventi sulla lingua in questa e altra sede, compreso "su chizone", penso che il tuo punto di vista sia interessante, certamente originale all'interno del dibattito sul sardo, e merita attenzione. Ti confesso però che non sempre riesco a seguirti sino in fondo nei tuoi ragionamenti, per miei limiti probabilmente.
    Il tuo tarlo è la questione dell'interpretazione della legge. Ok, vorrei capire meglio cosa intedi. Lasciamo da parte la questione dello standard. Quale, quando, come ci si arriva, perchè, a cosa serve, lingua dell'età giudicale ecc.. Ci prenderebbe molto tempo.
    Aiutami a capire meglio la faccenda giuridica. Non ho studi specifici alle spalle, quindi ti chiedo di essere indulgente. Affronterò alcuni punti sui quali ti soffermi spesso.

    1) Concordo con te quando sostieni che la legge 482/99 negherebbe qualsiasi possibilità di coufficilità tra sardo e italiano. Art. 1, 7, 8.
    Alla luce di questo, tutta la prosopopea sull'ufficilità del sardo che ci siamo sorbiti in questi anni diventa in definitiva abbastanza ridicola. Come quando si cerca di persuadere il funzionario del comune di Baradili o Nureci a redare i propri documenti amministativi in sardo usando lo "standard ufficiale", altrimenti non sarebbe una cosa seria.. L'unico documento ad avere valore legale è quello in italiano! Quello in sardo ha, agli effetti giuridici, il medesimo valore (nullo) sia che lo si scriva in pseudo standard ufficiale regionale sia in qualsiasi altra forma di sardo... E' giocare a un'ufficialità che non esiste.
    Con questo non voglio dire che, stante il contesto legislativo attuale, gli uffici della lingua non servano. L'uso del sardo in ambito amministrativo ha comunque un importante valore simbolico, accresce lo status della lingua e ne migliora l'immagine agli occhi dell'opinionie pubblica. Sono critico semmai con chi vorrebbe far credere che questi benedetti uffici de sa limba avrebbero chissà quale potere salvifico sulle sorti del sardo, che in realtà non possono avere.. Da soli non possono nulla. Spendiamo soldi senza conseguire risultati significativi. Media e istruzione sono gli ambiti strategici nei quali occorrerebbe intervenire in modo opportuno. Ho poi l'impressione che si cerchi di utilizzare strumentalmente la questione del sardo amministrativo per veicolare standard linguistici tout court, mascherando questo intento con la pretesa necessità di una lingua burocratica uniforme in assenza della quale non sarebbe possibile alcuna ipotesi di ufficialità.. (che in realtà è negata in partenza).
    Hai ragione quindi quando dici che lo standard non è il primo problema, ma forse forse, benit a poi..

    2) Tu dici:

    Su chi però mi faghet pensare no est s'istandardizzazione de sa limba (chi 'enit a poi) cantu s'interpretazione de sa legge de tutela, inue si rilevat una disparidade de trattamentu tra minorantzias e minorantzias chi deven' faeddare sa limba sutaposta a tutela (tantu chi in termines linguisticos tenet pius diritos un albanesu che unu sardu!).

    Qua non ti seguo. ti stai riferendo all'articolo 2

    Art. 2.
    1. In attuazione dell'articolo 6 della Costituzione e in armonia con i princípi generali stabiliti dagli organismi europei e internazionali, la Repubblica tutela la lingua e la cultura delle popolazioni albanesi, catalane, germaniche, greche, slovene e croate e di quelle parlanti il francese, il franco-provenzale, il friulano, il ladino, l'occitano e il sardo.


    Non capisco perchè sostieni ci possa essere agli effetti della tutela una diversità di trattamento tra il primo gruppo e il secondo. In entrambi i casi è prevista la tutela de "la lingua e la cultura delle popolazioni" citate, sia che esse siano albanesi, catalane, croate, sia che siano popolazioni che parlano il sardo, l'occitano ecc.
    Perchè il legislatore non parla allora di popolazioni sarde , ma di pololazioni parlanti il sardo? Ipotizzo: innanzitutto perchè non ha voluto riconoscere i Sardi come appartenenti a un gruppo etnico distinto da quello italiano.(Nel primo gruppo è implicita anche l'apparteneza a un gruppo etnico differente, non solo linguistico, dunque); in secondo luogo perchè non tutti i sardi parlano il sardo. Galluresi, tabarchini ecc. sono sardi che non parlano una lingua sottoposta a tutela e dunque non sono riconosciuti come minoranza linguistica storica ai sensi della legge. Ma tutti i sardi che rientrano nella delimitazione dell'ambito territoriale (Art.3) in cui si parla il sardo sono riconosciuti minoranza linguistica storica sottoposta a tutela. Dunque, agli effetti della legge, tra le popolazioni del primo gruppo e quelle che rientrano nel secondo non mi pare si rilevi una diversità di trattamento. Tutte sono riconosciute minoranze linguistiche storiche che godono in ugual misura dei benefici previsti della legge.



    3)
    Hat a tocare de dare una definizione de minorantzia linguistica istorica (chi est diferente da sos cuncetos finas literarios de populu e de natzione)

    Anche qua non ti seguo. E' la legge stessa a definire chiaramente chi è minoranza linguistica storica e quindi sottoposta a tutela, e chi no. Chi rientra in quanto stabilito dall'articolo 2 lo è, chi non vi rientra non lo è. L'attributo storica è ovviamente da riferirsi ai tempi storici dai quali la minoranza insiste nei territori oggi apparteneti allo stato italiano. La legge vuole cioè tutelare solo le minoranze linguistiche che storicamente sono insediate nei confini dello stato escudendo a priori tutte le minoranze linguistiche di recente immigrazione che non sono oggetto della legge in questione.

    4) Per "sardo" credo che la legge inteda qualsiasi dialetto riconducibile alla lingua sarda. Quindi tutto ciò che i linguisti considerano appartenete al sistema linguistico sardo. Standard recente o storicamente determinatosi, norma linguistica letteraria o dialetto di quartiere hanno tutti lo stesso valore per la legge. E' tutto lingua sarda, indistintamente.

    Marku

    Messaggi : 306
    Data d'iscrizione : 26.02.09
    Età : 65
    Località : Bidha'e Cresia

    s'istoria e sa memoria

    Messaggio  Marku il Dom Mag 03, 2009 8:24 pm

    Paret feu a lu narrer' finas dae como, ma so' cunfrontende tres istatutos (unu de su cabu 'e susu, unu de su cabu 'e basciu e sa Carta de Logu - chi est ultima arrivada, po no narrer' propriu copiada de sana pianta -) e totas tres sas legislaziones sardas sun' iscritas cun su propriu idioma. So' faeddende de sos Istatutos de Bidda 'e Creja (tantu cara a Marku nostru), de sos Istatutos turritanos de su Liberu Comune de Tattari (durada solu 23 annos ma chi hat dadu a sa tzitad''e su Cabu 'e susu un'esperientzia unica chi rasentat s'utopia) e de sa menzionada Carta de Logu. No b'hat presentzia de diferentzias, tantu de mi fagher' sustenner' chi vicinu a s'annu 1000 in Sardigna ch'haiat una sola "limba sacra" e sos sardos si cumprendian' a s'alziada 'e s'oggiu cun pagas peraulas.

    Saludi a totus, nd'est bessendi unu rexonu bonu! Su chi toccara a fai est a pesai sa memoria de custu populu, istudiai ita siat mellus po nosus e po su populu nostru! S'istoria'e sa lingua de Bidha'e Cresia, at connottu unu cambiamentu, de candu sa bidha ruta po famini, cumbattendi contras a tanti armadas, at perdiu no scetti su poderi chi teniara ma sa chistionara sulcitana puru! No pariri berus, castiendi su logu, Gonnesa est s'urtima bidha'e su Sulcis, Bidha'e Cresia est giai Cixerri, perou sa chistionara fiada ogualli de inias fintzas a Sant'Antiogu, no nci fiada sa tz, (pracja, cracjoni, arcjada, cjuccuru), no nci fiada su dengu a sa castedhaia. Perou cussus paperis cumenti narara Sardus, si podint aggiudai meda, no scetti a cumprendi, sa forma sociali de vida, ma an di pesai puru rexonu mannu a pitzus de sa lingua sarda, diacci no eus a fai coredhus, comenti est istetiu po sa LSC! Comuncas, morighendi e forroghendi in internetu, apu iscobertu, ca calincunu comunu, in s'oficju cosa'e issus manigiant sa Lingua de Mesania, atrus comunus, cumenti'e Sindia emu ligiu ca dhu ant serrau s'oficju po sa limba, ca in Sindia dhu naranta diacci. Si depiri arribbai a tenni su sardu paris che s'italianu, poita ca cussa lej est unu pagu trevessa e pagu tutelara is minorias linguisticas presentis in custa republica (de bananas) perou meda podeus fai cun is associus, de s'istorica Iscola Sarda, a atras puru, bastara'e chi sianta cosas serias. Deu puru chi fatzu una mostra de fotos e paperis, dhu potzu fai chentza de pregontai dinai a nemus, perou chi apu andai a fai unu libru, calincunu francu, po ndi torrai calincuna ispesa nci bolliri puru, poita ca po fai cosa, dhu iscieus, ca nci bolliri cosa, gana e munera, poita ca arregolli una gratzias, podit essi tropu pagu! Saludus indipendentistas.
    avatar
    *sardus.filius*

    Messaggi : 151
    Data d'iscrizione : 03.02.09

    Re: Acadèmia de su Sardu

    Messaggio  *sardus.filius* il Lun Mag 04, 2009 3:29 pm

    Marku ha scritto:Paret feu a lu narrer' finas dae como, ma so' cunfrontende tres istatutos (unu de su cabu 'e susu, unu de su cabu 'e basciu e sa Carta de Logu - chi est ultima arrivada, po no narrer' propriu copiada de sana pianta -) e totas tres sas legislaziones sardas sun' iscritas cun su propriu idioma. So' faeddende de sos Istatutos de Bidda 'e Creja (tantu cara a Marku nostru), de sos Istatutos turritanos de su Liberu Comune de Tattari (durada solu 23 annos ma chi hat dadu a sa tzitad''e su Cabu 'e susu un'esperientzia unica chi rasentat s'utopia) e de sa menzionada Carta de Logu. No b'hat presentzia de diferentzias, tantu de mi fagher' sustenner' chi vicinu a s'annu 1000 in Sardigna ch'haiat una sola "limba sacra" e sos sardos si cumprendian' a s'alziada 'e s'oggiu cun pagas peraulas.

    Saludi a totus, nd'est bessendi unu rexonu bonu! Su chi toccara a fai est a pesai sa memoria de custu populu, istudiai ita siat mellus po nosus e po su populu nostru! S'istoria'e sa lingua de Bidha'e Cresia, at connottu unu cambiamentu, de candu sa bidha ruta po famini, cumbattendi contras a tanti armadas, at perdiu no scetti su poderi chi teniara ma sa chistionara sulcitana puru! No pariri berus, castiendi su logu, Gonnesa est s'urtima bidha'e su Sulcis, Bidha'e Cresia est giai Cixerri, perou sa chistionara fiada ogualli de inias fintzas a Sant'Antiogu, no nci fiada sa tz, (pracja, cracjoni, arcjada, cjuccuru), no nci fiada su dengu a sa castedhaia. Perou cussus paperis cumenti narara Sardus, si podint aggiudai meda, no scetti a cumprendi, sa forma sociali de vida, ma an di pesai puru rexonu mannu a pitzus de sa lingua sarda, diacci no eus a fai coredhus, comenti est istetiu po sa LSC! Comuncas, morighendi e forroghendi in internetu, apu iscobertu, ca calincunu comunu, in s'oficju cosa'e issus manigiant sa Lingua de Mesania, atrus comunus, cumenti'e Sindia emu ligiu ca dhu ant serrau s'oficju po sa limba, ca in Sindia dhu naranta diacci. Si depiri arribbai a tenni su sardu paris che s'italianu, poita ca cussa lej est unu pagu trevessa e pagu tutelara is minorias linguisticas presentis in custa republica (de bananas) perou meda podeus fai cun is associus, de s'istorica Iscola Sarda, a atras puru, bastara'e chi sianta cosas serias. Deu puru chi fatzu una mostra de fotos e paperis, dhu potzu fai chentza de pregontai dinai a nemus, perou chi apu andai a fai unu libru, calincunu francu, po ndi torrai calincuna ispesa nci bolliri puru, poita ca po fai cosa, dhu iscieus, ca nci bolliri cosa, gana e munera, poita ca arregolli una gratzias, podit essi tropu pagu! Saludus indipendentistas.

    Arrima unu momentu Marku, semus faeddende de "minoranzias linguisticas istoricas", sa memoria de su populu no b'intrat nudda, est atera chistione.
    Sa memoria de su populu no s'abasciat a si fagher' riconnoscher' intro sa definizione de sa legge chi tutelat su sardu "iscriteriadu", no si lassat cunfunder' cun custos riduzionismos istruturales, no nos lessemas distraer' e seduer' da su cantu chi ammaliat de sas sirenas. In custu momentu deo puru so' tribagliende po una mostra fotografica chi hamos a presentare in sa Fattoria Didattica de sas DOMOS DE PEDRA cantu primu (ma custa puru est atera chistione, si Deus cheret gia bos hap'a avvisare cun tempus faghindebos presente s'iniziativa cando si cuncretat). Torramos a nois (ca ch'est su bisonzu de dirimer' totu sa confusione chi s'est criada in tundu 'e sa limba sarda e de "sas politicas de tutela e valorizzazione").
    Pluminus, chi ringrazio po sas peraulas chi hat iscritu subra sas posiziones mias a propositu de sa limba sarda, hat manifestadu calchi difficoltade a mi sighire in calchi passu (e no tenet su drotu, in giru no' ch' hat zente meda chi insistit subra tzeltas posiziones .... po no narrer' chi m'agato a esser' propriu solu). Benimos a nois, ducas, ca lu ritenzo argumentu basilare e, cun sa naschida de custa Accademia ONLUS si podet torrar' a aberrer' su cunfrontu.
    In s'ultimu interventu, 4 puntos nos dian' a dare motivu de iscrier' po tres dies, chilcamos de istringher' e de 'enner' a sa sustanzia. Passende subra su primu puntu, inue si discutit de "s'uficialidade de su sardu in su limbazu burocraticu e amministrativu" e paret chi s'agatet de acordu cun megus, benimos a sos ateros tres (chi no sun' sigundarios).
    In su sigundu, narat chi tenet dificoltade a sighire sa chi hapo definidu "disparidade de tratamentu tra minorantzias e minorantzias". Partinde da su ch'est dispostu in s'art. 2, de conseguentzia, osservo chi si mentuan' duos grupos de minorantzias linguisticas istoricas sutapostas a tutela. Su primu grupu (albanesos, catalanos, germanicos, grecos, islovenos e croatos) sun' tutelados de sè (bastat sa delimitazione de s'ambitu territoriale adottadu da sas Provincias), su sigundu (frantzesos, franco-provenzales, friulanos, ladinos, occitanos e sardos) est sutapostu a s'attividade orale de su faeddare sa limba sutaposta a tutela, e, noto, b'hat unu mundu de diferentzia tra su faeddare e s'iscrier'. Est sutile ma sos chi faeddan' imprean' s'oralidade, sos chi iscrien' sa manualidade, cambian' totu sos registros de emissione, trasmissione e ricezione de sa comunicazione.
    Si faeddat cun sa 'uca, s'aria trasmitit sa modulazione de sos sonos chi 'enin' produidos e si retzin' sos messagios cun sas urigias; S'iscriet cun sas manos cunsignende su chi si trasmitit a su fogliu chi lu custodit in su tempus e si retzit cun sos ogios. Faeddende (si no b'hat istrumentos tecnicos chi registran') sa comunicazione si faghet e si retzit in su matessi momentu, sas partes deven' esser' vicinas e si podet faeddare finas faghinde ateras cosas; iscriinde si devet dare attenzione solu a sa comunicazione chi s'est isterrinde e no solu podet esser' direta a pessones lontanas in su logu ma finas in su tempus. Est totu un ateru mundu, diferentes pianos. Como, bidu chi sa L. 482/1999 arrivat a poi de duos annos po risponder' a sa L.R. 26/1997 (chi est sa prima legge de tutela e valorizzazione de sa cultura 'e sas minoranzias in Italia) diat a tocare de 'ier' cales sun' sos efetos chi hat causadu in s'aplicazione de sas intenziones aprovadas da sa Regione duos annos primu.
    Inoghe mi frimmo (po como) ca no mi chelzo illonghiare, ma, si m'est permissu, dia a cherrer' osservare chi su bisonzu 'e definire it'est una "minoranzia linguistica istorica" naschet da su bisonzu (l'hat postu in evvidenzia s'interventu 'e Marku) de distingher' cust'ultima da su chi nois namos "populu" unidu intro su cuncetu 'e Natzione (chi no ischit e no cumprendet sa minorantzia o sa minoridade). Tocat de s'ischidare su sonnu ca semus permitinde de fagher' passare cuncetos chi isvalutan' su matessi pensamentu politicu chi nos distinghet. In Sardu tenimis una chiara linea de demarcazione chi dividiat s'isfera sacra da sa profana, ma oe est totu etadu a pari da sa relatividade globalizzada e b'hat cosas medas chi deven' esser' torradas a bier' po nos torrare a impossessare de sos sensos chi nos moven', nos ordinan' e nos coordinan'. In custos ultimos annos nd'hapo 'idu e intesu de dogni colore e dd'est ora de cuminzare a ilbarracare custu mundu 'e finzione chi nos han' cosidu subra. Cumintzamos da sa limba, si s'Accademia est in disponibilidade torro a manifestare totu sa disponibilidade mia, bastat chi no' siat, comente semper' su solitu tribagliu de pedru chi pagat e paule chi futit!!!

    Marku

    Messaggi : 306
    Data d'iscrizione : 26.02.09
    Età : 65
    Località : Bidha'e Cresia

    ellu'e ita

    Messaggio  Marku il Lun Mag 04, 2009 9:45 pm

    Saludi Sardus, chentza de sa memoria, no scetti de is fattus, de is cosas iscritas, e, si tui e atrus no dhu nanta ca seus minoria linguistica, in medas no dhu iscieus ca est diacci. A intendi de cumenti si chistionara, cumenti s'iscrjiara, tant'anus afaidi, de cumenti sa colonizatzioni s'at cambiau, apustis cun s'industria, eus pigau atras maneras de nai certunus fuedhus, pigaus in prestidu de su francesu, intamus de nai pruini, sigundu de sa miniera, sa genti narara "prussiera", e tanti atrus ancora chi fianta e funtu bintraus in su chistionai de sa genti. Perou, mancu mali ca genti prus antziana de nosus, de sentidus e de memoria bona, at apompiau fuedhus meda, chi a bortas no si pariri ca funti fuedhus de sa lingua nostra. Sigundu mei, bisongiara fai accapius cun su tempus passau, andendi a circai po fintzas e in nominis de is logus, in is sinis, su chi bollint nai certus fuedhus, poita cumenti naras tui, una borta si maniggiant fuedhus chi mmancai de diora no si maniggiant prus, perou in is sinis funt abbarraus, in s'oru'e Gonnesa nc'est Cuccuru'e Gai e de Goi, invecis apustis est diventau in su chistionai de su logu diacci, aicci. Cantu cosas, arrodi! Saludus indipendentistas.
    avatar
    *sardus.filius*

    Messaggi : 151
    Data d'iscrizione : 03.02.09

    in risposta a Marku e Pluminus

    Messaggio  *sardus.filius* il Gio Mag 07, 2009 9:17 am

    No so’ deo, caru Marku, chi faeddo in termines de minorantzia linguistica istorica, ma sa legge (emanada in su 1999) de su Parlamentu italianu chi las sutaponet a tutela. Da su 1997 a su 1999, cando hat operadu sa L.R. 26/1997 no si nd’ischiat nudda de minorantzias, s’art. 2 de sa L.R. 26, difatis, disponet chi “sa Regione assumet comente bene fundamentale de valorizzare sa limba sarda – riconnoschindeli pari dignidade cun s’italianu – s’istoria, sas tradiziones de vida e de tribagliu, sa produzione literaria iscrita e orale, s’espressione artistica e musicale, sa chilca tecnica e iscentifica, su patrimoniu culturale de su populu sardu in s’ispecificidade e in s’uficialidade sua, in sos aspetos materiales e ispirituales”, ma, da su 10 de nadale 1999, su parlamentu nazionale italianu, hat emanadu sa L. 482 chi in attuazione de s’art. 6 de sa Costituzione e in armonia cun sos principios generales istabilidos da sos organismos europeos e internazionales …. Tutelat sa minoranzia linguistica chi faeddat in sardu (paris cun totu sas ateras chi faghet menzione).
    Est sa L.R. 26/1997 sa “legge nostra”, po sa cale hamus ispesu e sacrificadu sas mezus dies de sa vida nostra, e, in su momentu chi ‘enit disposta sa L. 482/1999 nde hamos tentu grave dannu e nocumentu. No bastan’ 4 soddos po nos fagher’ atzetare s’imboligu e, totu su chi hamos intesu nende e faghinde in custos annos nd’est sa riproa. Nos han’ faeddadu de “sardu amministrativu” ma s’est bidu inue ch’est finidu, nos han’ chistionadu de “uficialidad’’e sa limba” ma Pluminus, chi m’hat sighidu finas in “su Chizone web”, l’hat mustradu cun su cumbinadu dispostu da sos artt. 1, 7 e 8, chi no est possibile. Ite restat? Su sardu in sas iscolas? Mi ‘enit unu pagu de pensare bidu chi no si nd’est interessadu niunu e sos artt. 4, 5 e 6 de sa L. 482/1999 sun’ incue chentza calculu da degh’annos a custa parte e oe si b’est bortende sa matessi truma chi hat fattu faddire sa politica ‘e limba in sas pubricas amministraziones (e in iscola no b’hat partidos politicos de boicotare ma pitzinnos de pesare sanos)!
    Torrende unu momentu a s’interventu in puntos de Pluminus (chi tenet dificultade a sighire totu s’arrejonamentu chi fato) b’est de narrer’ chi s’art. 2 de sa L. 482/1999 elencat sas minorantzias linguisticas istoricas chi sun sutapostas a tutela, ma s’art. 3 dat sas indicaziones po identificare sas minorantzias faeddende de DELIMITAZION’ ‘E S’AMBITU TERRITORIALE (chi ‘enit adotadu da su Cussizu provinciale) e de “duas condiziones richiestas po su riconnoschimentu de sa minorantzia linguistica sutaposta a tutela” chentza sas cales no est possibile de aplicare sa disciplina.
    Una condizione, in s’ispecificu, est sa delimitazione de s’ambitu territoriale ma s’atera conditzione no est chiara finas a cando no nos frimmamos subra cussu “faeddare su sardu” chi est de cunsiderare cumportamentu attivu, indispensabile po su riconnoschimentu de sa minorantzia sutaposta a tutela. No semus una minorantzia linguistica unica e sola, e si nos bortamus a s’Atlante de sas limbas in perigulu de s’Unesco podimos osservare comente in Sardigna che nd’hepat 4 riconnotas meritevoles de attenzione, ma in sa Regione (e como finas in s’Accademia ‘e su Sardu) si puntat a istandardizzare ma, sa limba sarda (cumplessa e composita), no si lassat imboligare. Est tempus de dirimer’ sa chistione, ch’hat responsabilidades bene precisas de fagher’ pesare in cabu a pessones bene determinadas e determinabiles subra sas cales ruet totu custos inciucios e ribaltones. Da degh’annos s’est ispendinde dinari pubricu (leadu a sas busciacas giai landzas de sos tribagliadores cun tassas e balzellos de dogni tipu) chentza frutu e rejone, po ingrassare cussos ignorantes chi nos sun’ poninde sa maschera e, mi paret, siat ora de los cumintzare a fagher’ a timer’ (ca si sighimos a los lassare fagher’ sun’ bonos de no’ che interrare). B’hat de fagher’ contos cun sos cuntratos chi han’ fatu frimmare a sos operadores (chi sun’ contrarios a sos principios de sa legge), cun su trattamentu economicu chi lis est riservadu e cun s’atividade chi han’ isvoltu. Ch’ hat un’ iscandalu mannu mannu mannu de fagher’ bessire a sa lughe, ca no podimus lassare sa cultura e sa limba sarda (po sa cale hamos tribagliadu e sacrificadu) in manos de sos partidos italianistas (mancari sian’ mascherados de indipendentistas) chi sun’ sos peus inimigos de sa veridade culturale nostra.
    Ispero de haer’ potidu chiarire calchi cosa a Pluminus (chi ringrazio po sas peraulas chi hat impreadu subra sas posiziones chi hap’ assuntu subra sa chistione linguistica. Sa posizione mia no est conditzionada da visiones literarias, istoricas o filosoficas, benesì da frimmas bideas giuridicas, politicas e amministrativas chi poden’ bogare a campu su puite e su comente si potan’ fagher’ determinados isbaglios. Cando s’Accademia de su sardu si ritenet pronta deo so’ disponibile a mi presentare in cara ‘e cristianos po difender’ totu sa linea de sa tutela e de sa valorizzazione no solu linguistica de sa Sardigna, ischinde chi ch’ hat cosas chi podimos dirimer’ in pagos pena un ateru fallimentu. Sa chistione de sa limba e de sa cultura sarda paret argumentu lebiu (tantu chi a dies de oe totu si sentin’ in diritu de narrer’ s’issoro ca ischin’ frastimare) ma est essenziale po fagher’ bessire sa realtade falsada chi nos custringhet a sucumber’ chentza chi nos potemas divinculare da sas piaghidas chi nos han’ paradu sos annos de sa gestione allegra.

    Marku

    Messaggi : 306
    Data d'iscrizione : 26.02.09
    Età : 65
    Località : Bidha'e Cresia

    lingua bisara, lingua chistionara

    Messaggio  Marku il Gio Mag 07, 2009 10:47 am

    Saludi Sardus, t’arringratziu meda po s’interventu craru chi as postu in su jassu, perou deu acumenti’e tui timu meda, ma meda, custus academistas puru! Moriga, moriga, chistiona cun s’unu e rexona cun s’atru, s’idea ca custu puru est unu matzamurru no mi lassat asselliu! Si s’Academia, torrara a pinnicai totu su cadhotzimini lassau de sa LSU e da sa LSC, torrendi andai a isprobigai su latinu, lingua de tenni in rispettu, ma no tanti arricca de fuedhus, no andendi e no ponendisidha nimancu su pregontu si su sardu est de valorizai o mancu, custas funt cosas chi isderruint cussas pagus leis puru chi si permittint de podi fai cosas de importu poi is sardus! Mancai pongant limitis is lejs, deu biu ca in tantis iscolas elementaris, dhoi funt maistras chi fainti laboratoriu de lingua, traditzioni, istoria, certu chistionendi in campidanesu o sulcitanu, poita ca funti inoi in custas laccanas. Nosus no teneus idea de su chi bolleus fai, e si est de fai su campidanesu che sa LSC, arrodi, mi tengu cuau in calincuna gruta’e chi no mi circhiri prus nemus, poita ca ndi tengu bregungia in parti’e issus! Si su chi bolliri fai s’accademia est a poni in peis unu campidanesu, chi nanca est literariu, mi ‘enniri de prangi a paracua abertu! Iscieus ca medas poetas, in ispecias, ant istrupiau su sardu po fai torrai sa rima, atrus ant fatu tradutzionis a cudha manera, chentza de si pregontai si de diaberus cussu fuedhu fiada o no fiada diacci, in pagus fuedhus est unu sardu chi sa genti no chistionara e no cumprendiri, si custu est a valorizai su sardu, est che a su contu: o est babbu o cerdu’e palla! Cumenti naras tui e atrus chi de annus istudiant e sighint su tema a pitzus de sa lingua, iscinti e iscieus ca sa lingua nostra in cali sisiara varianti est arricca de fuedhus, de accinus, de istrociduras,atru che a si nd’abbarrai iscidus adenoti pensendi de poni in peis una lingua chi aredì nisciunus cumprendiri e nisciunus dha fuedhara. Saludus indipendententistas.
    avatar
    *sardus.filius*

    Messaggi : 151
    Data d'iscrizione : 03.02.09

    Re: Acadèmia de su Sardu

    Messaggio  *sardus.filius* il Gio Mag 07, 2009 12:19 pm

    Marku ha scritto:Saludi Sardus, t’arringratziu meda po s’interventu craru chi as postu in su jassu, perou deu acumenti’e tui timu meda, ma meda, custus academistas puru! Moriga, moriga, chistiona cun s’unu e rexona cun s’atru, s’idea ca custu puru est unu matzamurru no mi lassat asselliu! Si s’Academia, torrara a pinnicai totu su cadhotzimini lassau de sa LSU e da sa LSC, torrendi andai a isprobigai su latinu, lingua de tenni in rispettu, ma no tanti arricca de fuedhus, no andendi e no ponendisidha nimancu su pregontu si su sardu est de valorizai o mancu, custas funt cosas chi isderruint cussas pagus leis puru chi si permittint de podi fai cosas de importu poi is sardus! Mancai pongant limitis is lejs, deu biu ca in tantis iscolas elementaris, dhoi funt maistras chi fainti laboratoriu de lingua, traditzioni, istoria, certu chistionendi in campidanesu o sulcitanu, poita ca funti inoi in custas laccanas. Nosus no teneus idea de su chi bolleus fai, e si est de fai su campidanesu che sa LSC, arrodi, mi tengu cuau in calincuna gruta’e chi no mi circhiri prus nemus, poita ca ndi tengu bregungia in parti’e issus! Si su chi bolliri fai s’accademia est a poni in peis unu campidanesu, chi nanca est literariu, mi ‘enniri de prangi a paracua abertu! Iscieus ca medas poetas, in ispecias, ant istrupiau su sardu po fai torrai sa rima, atrus ant fatu tradutzionis a cudha manera, chentza de si pregontai si de diaberus cussu fuedhu fiada o no fiada diacci, in pagus fuedhus est unu sardu chi sa genti no chistionara e no cumprendiri, si custu est a valorizai su sardu, est che a su contu: o est babbu o cerdu’e palla! Cumenti naras tui e atrus chi de annus istudiant e sighint su tema a pitzus de sa lingua, iscinti e iscieus ca sa lingua nostra in cali sisiara varianti est arricca de fuedhus, de accinus, de istrociduras,atru che a si nd’abbarrai iscidus adenoti pensendi de poni in peis una lingua chi aredì nisciunus cumprendiri e nisciunus dha fuedhara. Saludus indipendententistas.

    bois, caru Marku, no tenides bidea de su chi cherides fagher', deo isco invece su chi si devet fagher' (no est a fantasia mia su chi so' nende) finas po inghiriare sa legge.
    Hamos nadu (e cuncordo)chi a su sardu no est lassadu logu po produer' effetos giuridicos, ma, cun s'arrejonamentu politicu, giuridicu e amministrativu chi l'hap' aplicadu so' risultadu a fagher' assumer' sa limba finas in cuntestos uficiales (perfezionende su procedimentu po sa costituzione de sa minorantzia linguistica istorica), e penso chi niunu hepat cumpridu su progetu de tres annos in tres meses comente poto haer' fatu in s'isportello linguisticu de su Comune de Tresnuraghes. Si no s'est postu in cuncretu, lu devo narrer', est solu po sa mancantzia de sensibilidade politica de s'amministrazione e po s'istadu de emergentzia continua inue sun' finidos sos entes locales.
    Isco chi in paritzas iscolas si sun' faghinde laboratorios linguisticos, de tradiziones, istoria e geografia sarda a sos pitzinnos, ma est cosa estemporanea, inventada in su momentu grazie a sa sensibilidade de tzeltas mastras chi, però, no tenen' puntos de riferimentu, programmas e lineas de sighire. No ch' hat testos iscolasticos (in peruna de sas variantes chi sun' previstas. Como, lassende a una parte s'Accademia chi est naschinde, nos devimus cuncentrare subra su chi s'est fatu po 'ier' inue sun' sos isbaglios e chie hat isbagliadu (ca ch' hat 11 milliones de Euro a giru chi deven' rientrare ca sun' istados riscossos chentza titulu e chentza meritu), tocat de inquadrare su coordinamentu de sa giunta Soru (chi est su veru responsabile de s'isfasciu) istringherlu e ponnerlu a palas a muru.
    Po cantu podet interessare su latinu, carissimu, hat a tocare de torrar' a cumintzare da inie (poi chilcamos de cumprender' si semus nois chi hamos imparadu a issos o issos a nois!). Sa limba sarda (calesisiat variedade) tenet raighinas latinas, su dominiu imperiale de Roma antiga no est una brulla e devimus cumprender' chi hepat lassadu sa trassa finas in s'organizatzione de su diritu, de sas istituziones e de totu sa cultura. Devimus fagher' riconnoscher' sa CSS comente minorantzia linguistica istorica (bidu chi est s'unica organizzatzione chi hat postu sa Limba sarda comente elementu fundante in su propriu istatuto e, in termines de tribagliu, niunu podet coordinare s'atividade cant''e unu sindacadu. Devimus fagher' bessire sos frutos de sa chilca (cumposta de liberos iscritos in sardu, sitos archeologicos e .... deo mi so' ispecializadu in cuddos aspetos ispirituales de sa limba chi hat mentuadu s'art. 2 de sa L.R. 26/1997).
    Ch'hat unu mare de cosas chi si poden' fagher', cosas chi ti faghen' ricreer', cosas chi poden' fagher' cambiare s'Istoria chi nos han' contadu subra nois matessi e cosas chi potan' frimmare totu sa disaura chi semus bidinde e connoschinde.
    Po cambiare argumentu, como, ti fato a ischire chi s'Iscola Sarda est cumintzende una collaborazione didattica cun d'una fattoria. In custu tempus in su cale si sentit su bisonzu 'e ricunverter' finas s'economia, unu est a imparare sos pitzinnos in teoria (comente si faghet in iscola) e unu est a lis fagher' leare cussentzia in pratica (imbrutendesi sas manos de terra e de ledamen' po cumprender' in realtade it'est su tribagliu) cumintzende da su semen' e fininde cun su frutu po torrar' a cumintzare in mesa. Si bi diat haer' calchi mastra o calchi iscola interessada a visitare sa fattoria didattica de S'Iscola Sarda bos prego de leare cuntatu cun su chizone web po bos dare sos riferimentos e sos cuntatos. Cun s'iniziativa chi semus promovinde semus creende in sa fattoria unu postu de tribagliu nou chi si podet rifliter in ateros 181 (ca chentu ottantunu fattorias didaticas s'hat costituidu in custos annos). Sa didattica no est cosa chi si podet lassare in manos de tzapadores, pastores o massagios, chi che sun' 'istados tota vida in campagna e no tenen' bidea de sa cumplessidade chi podet rapresentare s'educazione e s'insegnamentu. A custu propositu mi sento de ringraziare sa sensibilidade de su printzipale e de totu sa famiglia sua, chi, aviende sos cuntatos e sa collaboratzione cun s'Iscola Sarda, hat mustradu bona sensibilidade e lungimirantzia chi l'hat a poder' torrare bonos frutos mustrende chi no est faghinde su chi est faghinde po incrementare su redditu ebia, ma bi tenet a che s'attividade didattica de sa fattoria siat improntada a lassare sos sinnos in sos chi 'enin' a la visitare. No tribagliamos solu cun sas classes ma finas cun grupos e associatziones chi si cheren' avicinare a s'ecoturismu e a totu sa riscoperta de s'agricoltura tradizionale, imparende a sos minores comente si produit su pane chi lis arrivat in mesa e totu su chi si mandigan'. Est una cosa prejada meda e m'est istimolende oltre dogni modu o manera. Immagina chi so' arrivende a cungruer' chi totu sa chistione sarda potat (o depat) passare in sa fattoria didattica chi dat noziones de ite siat sa sacralidad''e sa terra. Como, po cumintzare s'istajone turistica, semus pensende a una mostra fotografica .... e no solu, chi potat fagher' arrivare visitadores e fagher' a connoscher' sa fattoria e su territoriu (chi est immensamente riccu).
    Si dizis a tenner' bisonzu de calch'ateru chiarimentu ..... so' in su Chizone web!
    Ciau!!!
    sunny
    avatar
    Zarathustra

    Messaggi : 24
    Data d'iscrizione : 05.02.09

    Re: Acadèmia de su Sardu

    Messaggio  Zarathustra il Ven Mag 08, 2009 2:04 am

    Marku ha scritto:Saludi Sardus, t’arringratziu meda po s’interventu craru chi as postu in su jassu, perou deu acumenti’e tui timu meda, ma meda, custus academistas puru! Moriga, moriga, chistiona cun s’unu e rexona cun s’atru, s’idea ca custu puru est unu matzamurru no mi lassat asselliu! Si s’Academia, torrara a pinnicai totu su cadhotzimini lassau de sa LSU e da sa LSC, torrendi andai a isprobigai su latinu, lingua de tenni in rispettu, ma no tanti arricca de fuedhus, no andendi e no ponendisidha nimancu su pregontu si su sardu est de valorizai o mancu, custas funt cosas chi isderruint cussas pagus leis puru chi si permittint de podi fai cosas de importu poi is sardus! Mancai pongant limitis is lejs, deu biu ca in tantis iscolas elementaris, dhoi funt maistras chi fainti laboratoriu de lingua, traditzioni, istoria, certu chistionendi in campidanesu o sulcitanu, poita ca funti inoi in custas laccanas. Nosus no teneus idea de su chi bolleus fai, e si est de fai su campidanesu che sa LSC, arrodi, mi tengu cuau in calincuna gruta’e chi no mi circhiri prus nemus, poita ca ndi tengu bregungia in parti’e issus! Si su chi bolliri fai s’accademia est a poni in peis unu campidanesu, chi nanca est literariu, mi ‘enniri de prangi a paracua abertu! Iscieus ca medas poetas, in ispecias, ant istrupiau su sardu po fai torrai sa rima, atrus ant fatu tradutzionis a cudha manera, chentza de si pregontai si de diaberus cussu fuedhu fiada o no fiada diacci, in pagus fuedhus est unu sardu chi sa genti no chistionara e no cumprendiri, si custu est a valorizai su sardu, est che a su contu: o est babbu o cerdu’e palla! Cumenti naras tui e atrus chi de annus istudiant e sighint su tema a pitzus de sa lingua, iscinti e iscieus ca sa lingua nostra in cali sisiara varianti est arricca de fuedhus, de accinus, de istrociduras,atru che a si nd’abbarrai iscidus adenoti pensendi de poni in peis una lingua chi aredì nisciunus cumprendiri e nisciunus dha fuedhara. Saludus indipendententistas.

    Salude o Marcu, no creo chi siat una chistione de peràulas ma de grafia (o a su mancu ispero chi no sian istados gai macos de chirrare cales peràulas impreare e cales nono) est a narrer chi si tue l' as a cherrer impreare no as a poder iscrier "iscieus" ma "scieus", no "chistionara" ma "chistionat" e gai sighinde...
    Poi de su chi penso deo de totu custa chistione de su sardu partzidu in duos preferzo a no nde narrer, est menzus... silent
    avatar
    juanna maria

    Messaggi : 319
    Data d'iscrizione : 03.02.09
    Località : potene secare tottu sos frores...ma non potene prennere su beranu

    Re: Acadèmia de su Sardu

    Messaggio  juanna maria il Ven Mag 08, 2009 8:36 pm

    jeo credo chi sa chestione Limba si si cheriat "risolvere" si risolviat

    troppu "interessi"
    avatar
    Plùminus

    Messaggi : 16
    Data d'iscrizione : 05.02.09

    Re: Acadèmia de su Sardu

    Messaggio  Plùminus il Ven Mag 08, 2009 9:30 pm

    Gratzias meda Sardus Filius po is acraramentus. Calincuna cosa in prus de su pensamentu tuu gei dd'apu cumprendia , mancai a tretus mi parit ca bollast essi prus pagu craru de su chi iast a podi essi... Fortzis ddu fais po ti tutelai in s'arretza. Ddu cumpredu e andat beni.
    Atras cosas mi parit ca ddas eus trobeddadas de prus.. Cosa in su fogu ndi eus postu meda, sa chistioni est manna diaderus po da sboddicai in pagus "girus"!
    A logus ti dongu arrexoni, a logus creu de no essi de acordiu de acordiu cun tui, ma incapas est fintzas chistioni de arrenensci a si cumprendi unu pagu mellus. E ita bolis, calincunu puntu mi benit unu pagu in artziada a ndi ddu aciapai beni beni, poita tocat a essi a intru de is problemas e a connosci beni su dispositivu normativu e totu sa chistioni. Emus a podi sighiri, ma po imoi bandat beni de aici.
    Sa cosa de importu est chi de totu custas cosas tui ndi potzast arrexonai non tanti cun mei innoi, ca no est mancu s'arti mia, ma cun chini at a bolli e at tenni responsanbilidadis de portai a innantis sa chistioni de su sardu in custus annus chi ant a benni, prus de cantu apast tentu possibilidadi de fai in custus annus passaus.
    Tenidì a contu.
    avatar
    *sardus.filius*

    Messaggi : 151
    Data d'iscrizione : 03.02.09

    Re: Acadèmia de su Sardu

    Messaggio  *sardus.filius* il Sab Mag 09, 2009 4:33 pm

    Plùminus ha scritto:Gratzias meda Sardus Filius po is acraramentus. Calincuna cosa in prus de su pensamentu tuu gei dd'apu cumprendia , mancai a tretus mi parit ca bollast essi prus pagu craru de su chi iast a podi essi... Fortzis ddu fais po ti tutelai in s'arretza. Ddu cumpredu e andat beni.
    Atras cosas mi parit ca ddas eus trobeddadas de prus.. Cosa in su fogu ndi eus postu meda, sa chistioni est manna diaderus po da sboddicai in pagus "girus"!
    A logus ti dongu arrexoni, a logus creu de no essi de acordiu de acordiu cun tui, ma incapas est fintzas chistioni de arrenensci a si cumprendi unu pagu mellus. E ita bolis, calincunu puntu mi benit unu pagu in artziada a ndi ddu aciapai beni beni, poita tocat a essi a intru de is problemas e a connosci beni su dispositivu normativu e totu sa chistioni. Emus a podi sighiri, ma po imoi bandat beni de aici.
    Sa cosa de importu est chi de totu custas cosas tui ndi potzast arrexonai non tanti cun mei innoi, ca no est s'arti mia, ma cun chini at a bolli e at tenni responsanbilidadis de portai a innantis sa chistioni de su sardu in custus annus chi ant a benni, prus de cantu no as tentu possibilidadi de fai in custus annus passaus.
    Tenidì a contu.

    Custa ‘olta tocat chi sia deo a ringraziare a tie, Plumì..., finas po haer' cumpresu totu sas cosas chi hapo nadu, intuidu sas chi no hapu nadu e finas sas chi hap'imboligadu. Sa chistione est manna e ben'intrapogliada, po l'isolber' hapo devidu fagher' fronte a milli dificoltades e sacrificios, agatendemi, cun s'ispiritu, in mesu de cosas chi, a dies de oe e in custos cuntestos, no andat bene mancu a las mentuare, cosas e temas comente poden' esser' s'alchimia e sa maìa, arrivende finas a m’interessare de meighina chi sanat “sos males”. Ti ringrazio po sa soddisfazione chi mi das cun cussu "po immoi bandat beni de aici", ma no est tempus de si poder' apagare, semus tribagliende po s'Europa e no si podet atzetare goi supinamente "s'astensionismu latitante" de chie no andat a votare (o votare ponindeche in s'ischeda "su foglieddu") e faghinde sa rughe ... in chie ofrit de pius!
    In http://ec.europa.eu/education/languages/language-learning/index_it.htm, b'est iscritu: Le lingue servono a chiunque, a prescindere dall'età e dai motivi di studio. Contribuiscono ad abbattere le barriere tra persone e tra paesi e consentono agli europei di comunicare, di lavorare insieme e di spostarsi da un paese all'altro. L'UE è impegnata a promuovere lo studio delle lingue affinché queste possano svolgere un ruolo più importante in un'Europa moderna e multiculturale. Tale strategia viene attuata attraverso i programmi destinati ai cittadini di tutte le età, il miglioramento dei sistemi di valutazione e la standardizzazione delle qualifiche, il sostegno agli studenti con esigenze particolari e la divulgazione delle informazioni e delle migliori pratiche per studenti e insegnanti.
    In Europa b'hat progetos (e finanziamentos) da su 2002, mentres chi totu su dibatitu sardu girat totu in tundu de sa 482/1999?
    Comente mai, in sa Regione, niunu hat mentuadu mai sas politicas (finas de finanziamentu) chi si sun' fatas in Europa, ne mai nd'hat arrivadu 'oghe?
    No sun sos annos chi 'enin', est custu su momentu, Plumì..., po chie cheret intrare in Europa. Totu sa politica nostra (finas linguistica) est inserrada in sos contos cun Roma e de Casteddu, inue s'innaltzat "su Parlamentu sardu chi faeddat in italianu" e totu sa burocrazia criada da "sas Castas" de su "regime democraticu riformadu"!
    In http://ec.europa.eu/education/languages/languages-of-europe/doc139_it.htm, si andades a lu controllare est iscritu chi: L'UE ha adottato una politica positiva nei confronti delle lingue regionali e minoritarie, sulla base dell'articolo 22 della Carta europea dei diritti fondamentali, secondo cui “L'Unione rispetta la diversità culturale, religiosa e linguistica”…. Il Parlamento europeo ha adottato una serie di risoluzioni per promuovere interventi a favore di tali lingue. Gli interventi sono rivolti alle lingue autoctone tradizionalmente parlate da una parte della popolazione degli Stati membri dell'UE e dello Spazio economico europeo. La definizione non comprende le lingue delle comunità immigrate, le lingue artificiali o i dialetti di una lingua ufficiale, chi, mi faghet a cumprender’ cantu riconnoschimentu potat risultare a sa LSC, a sa LSU o a calesisiat limba sarda istandardizada in sede Europea.
    Su dannu chi s’est operadu no est pagu, finas da unu puntu culturale ma (cunsideradu chi no s’ischit ateru) si presentat mannu subra ‘e totu da su latu economicu po sas comunidades locales e ….. po sas iscolas in primis, no isco si siedas sighinde ite est sutzedinde in sa ristrutturazion’ iscolastica sarda!
    Po intrare in Europa tocat de haer’ sas cartas in regula (ca si no est peus de cando unu distruidòre) e si no si dat riconnoschimentu a sa politica linguistica chi est ‘istada persighida da sa Regione …. Finas Tremonti (chi no ischit pius inue arrastare su ‘inari) diat a poder’ esser’ interessadu, immagina Plumi… chi 11 milliones de euro ispaltos in degh’ annos li dian’ a poder’ risultare bene pius de “unu tesoretto”!!!
    De Tremonti e de su tesoretto, sa veridade santa, pagu mi nd’importat, si no esserat chi su dannu (no solu erariale) ch’est istadu causadu finas a oe perpetuat su genocidiu ispirituale e politicu de su populu e de sa Natzion’’e sos Sardos, a bortas cun sa complicidade de chie diat a dever’ coordinare sa tutela e sa valorizatzione.
    Est custu su momentu de iscadenare s’ofensiva culturale chi ispingat sos sardos a leare cussentzia de ite potat uldìre e prenetare “sa limba sarda” po esser' "riconnota"!
    Pagos oramai connoschen' sa legges de su connotu, ite potat riservare in custos casos sa preneta 'e sa limba chentz'uficiu!!!
    avatar
    Plùminus

    Messaggi : 16
    Data d'iscrizione : 05.02.09

    Re: Acadèmia de su Sardu

    Messaggio  Plùminus il Sab Mag 09, 2009 7:17 pm

    Sa chistioni de is finantziamentus europeus po s'amparu de is linguas: deu emu a bolli cumprendi chi est totu nexi de s'incopentèntzia nosta in Sardinnia, opuru sa curpa manna est de un'Italia chi s'arrefudat de aplicai una politica de amparu po is minorias linguisticas a intru de is lacanas de su stadu, cumforma a cantu s'Europa disponit e cumbidat a fai? E est po custu chi nci perdeus sa possibilidadi de gosai de is politicas de finantziamentu? Nau sa beridadi, no ddu sciu.

    Mi parit comuncas ca s'Italia no apat mai ratificau sa Carta Europea de is linguas regionalis e de minoria de su 1992, chi abetat ancora de essi recepia e aplicada de su stadu Italianu. Giai custu incapas iat a permiti de aberri calincunu giassu de tutela in prus..

    A mraxini, fatzu notai una cosa. Comenti as arregordau tui etotu Sardus in calincunu interventu innantis, una de is incongruentzias intra sa lei regionali 26/97 e sa lei de su stadu 482/99, est ca sa prima tutelat totu is linguas storicas chi fueddaus in Sardinnia, sardu, sassaresu, tabarchinu ecc..Est totu patrimoniu culturali e linguisticu de su popolu sardu e duncas, segundu su spiritu de sa Lei 26, est de tutelai e difendi. Sa lei de su stadu intamis, in parti sbisurendi s'impiantu de sa lei 26, arreconnoscit comenti minorantzia linguistica storica chi merescit tutela, sceti a is catalanus e a sa popolatzioni chi fueddat sardu. Is atrus funt escludius de cali si bollat amparu. No ddoi at difatis perunu arreconnoscimentu de su status de populu, de comunidadi Natzionali, po chi sa tutela potzat essi estendia fintzas a chini, parti de sa Natzioni Sarda, fueddat atras bariedadis linguisticas foras de su sardu "propriamente detto".. Sa lei difatis no bolit tutelai sa lingua e sa cultura de su populu sardu(chi su stadu italianu no arreconnoscit comenti natzioni) ma is popolatzionis in sardinnia chi storicamenti fueddant una lingua diversa de s'italianu e de is dialetus de s'italianu. Sa situaztioni est custa, comenti as acrarau tui puru.
    Su chi bollu nai est ca, ligendi la normativa europea, s'Europa no nosi agiudat in sa batalla po cresci custus arreconnosciementus..

    CARTA EUROPEA DELLE LINGUE REGIONALI O MINORITARIE
    Art 1
    Ai sensi della presente Carta:
    a. con l'espressione "lingue regionali o minoritarie" si intendono le lingue
    i. tradizionalmente parlate nell'ambito di un territorio di uno Stato da cittadini di quello Stato che costituiscono un gruppo numericamente interiore al resto della popolazione dello Stato, e
    ii. diverse dalla/e lingua/e ufficiale/i di quello Stato;
    tale espressione non comprende né i dialetti della/e lingua/e ufficiale/i dello Stato né le lingue degli immigrati;
    b. per "territorio nel quale una lingua regionale o minoritaria viene usata" si intende l'area geografica nella quale questa lingua costituisce il modo di esprimersi diun numero di persone tale da giustificare l'adozione delle diverse misure di tutela e promozione previste dalla presente Carta;


    1) Torrat fintzas in sa legislatzioni europea sa definitzioni "lingue parlate". Duncas no est sceti sa lei italiana chi imperat cussa ditzioni fueddendi de minorias linguisticas..
    2) No est considerau "lingua minoritaria" perunu dialetu de sa lingua uficiali de su stadu (tenint ora emilianus, napoletanus, piemontesus ecc. a s'apellai a s'Unesco!). Duncas, o sa scientzia linguistica arreconnoscit po su sassaresu e su gadduresu una autonomia de s'italianu, o s'arreconnoscimentu, bogaus su sardu e su cadalanu, no podit benni mancu de s'Europa. Custas linguas podint gosai de una tutela regionali ma no ddoi at spera chi arriciant perunu arreconnoscimentu legislativu a livellu italianu o europeu..

    Po su chi pertocat su contu de sa "lingua artificiale", in cussa citatzioni chi as arremonau tui, mi parit ca est totu chistioni de interpretatzioni. Deu creu chi sa lei bollat escludi linguas fatas a taulinu, tipu s'esperantu. Una norma standard, mancai no torrit cun perunu dialetu esistenti, comenti est sa LSC, no creu dda potzaus equiparai a una lingua artificiali. Unu standard antzis, in sa disciplina de sa pianificatzioni linguistica, est pensau comenti aina chi iat a depi favoressi s'imperu de sa lingua in cuntestus modernus. In custu sensu su standard iat a depi essi funtzionali a s'abaloramentu de sa lingua sutaposta a tutela e traballai conca a cussu 'eretu. Duncas no creu chi s'Europa si potzat atriviri a disconnosci sa legitimidadi de unu standard. Est a is Sardus chi pertocat a arriciri o a arrefudai una proposta de normalizatzioni linguistica.


    Ultima modifica di Plùminus il Dom Mag 10, 2009 12:59 am, modificato 1 volta

    Marku

    Messaggi : 306
    Data d'iscrizione : 26.02.09
    Età : 65
    Località : Bidha'e Cresia

    jassu, iscola, imparu

    Messaggio  Marku il Sab Mag 09, 2009 11:31 pm

    Salude o Marcu, no creo chi siat una chistione de peràulas ma de grafia (o a su mancu ispero chi no sian istados gai macos de chirrare cales peràulas impreare e cales nono) est a narrer chi si tue l' as a cherrer impreare no as a poder iscrier "iscieus" ma "scieus", no "chistionara" ma "chistionat" e gai sighinde...
    Poi de su chi penso deo de totu custa chistione de su sardu partzidu in duos preferzo a no nde narrer, est menzus...

    Saludi Zarathustra, deu mancai sia andendi ainantis cun is annus tengu gana e bollu imparai, pensa ca s'Iscola Sarda e Zampa dhu s'apai connotus casi trint'anus faidi! A bortas (i)scriendi, pensu aundi est chi andara sa "s" impura, chistionat, dhu maniggiu si nc'est sa de tres personas issu, ainantis de vocali, chistionara est po totu, aumenti e candu si chistionara o su pigai chistionu, su tempus de su verbu presenti iat a depi essi custu: deu chistionu, tui chistionas, issu chistionat (ra), nosus chistionaus, bosatrus chistionais, issus chistionant (a), sa de tres issu e issus deu po su pagu chi sciu, sa “t” andara beni ainantis de vocali, s’atra manera sa consonanti, pensu chi de diacci iat depi andai beni, Sa genti narara, contara chistionara, o s’atra manera? Seu inoi po imparai!
    Po Juannika Maria, de siguru chin andara a fai cultura po interessu, est acumenti’ e cudhu chi contara faulas, nantis o apustis si scoberrinti! Poita ca giustamente, cumenti at nau calincun’atru, sa lej, mancai trota e bistrota, ponniri a curri dinai po nanca a chini faidi cultura, sigumenti su colonialismu s’at sbodiau sa conca, pariri ca donia tontesa e faula, siat sa scoperta scientifica de no isciu aundi, invecias funt matzamurrus candu pariri ca andara beni e candu fraganta meda funt cadhotzaras! In cust’ ispecia de mundu chi no est tundu, doniunu dha contara a manera sua, deu seu de cussus chi creinti de prus a su trabballu fatu de S’iscola sarda, de M. Pudhu, Paulis e pagu atrus, chi dh’ant fatu po passioni, guadangendi medas murrungius, pagu dinai e onori puru!
    Saludus indipendentistas.
    avatar
    *sardus.filius*

    Messaggi : 151
    Data d'iscrizione : 03.02.09

    .... ancora subra su sardu, po la serrare.

    Messaggio  *sardus.filius* il Dom Mag 10, 2009 2:46 pm

    rispondinde a sa domanda chi hat postu Plùminus in abertura de s'ultimu post sou, devo riconnoscher' mestamente chi sa neghe siat totu sa nostra, e, bidu chi nois no tenimus neghe ca esternos, sas culpas sun' totu de assummare in cabu de sos responsabiles de sa Regione e de su Ministeriu. S'Italia, osservo, hat fatu su dovere sou cun s'emanazione de sa L. 482/1999, sa cale, cun su dispostu chi est in s'art. 2 (in attuazione de s'art. 6 de sa costituzione e in armonia cun sos principios istabilidos da sos organismos europeos e internazionales ....) mi paret chi sanet finas sa mancada ratifica de sa "Carta europea de sas limbas regionales e de minoria" de su 1992 ca s'armonia cun su chi est istabilidu a livellu de s'Unione europea diat a dever' cumprender' e interessare totu sos principios e no solu una parte ebìa. Si chilcamos culpas e responsabilidades nde podimos agatare a dogni livellu, ma si cherimos analizare sa materia lu devimos fagher' chilchende de cumprender' inue sun' 'istados sos isbaglios po los curreger', leende da manos sa materia a cussa rentzia de incumpetentes e assatanados.
    Po cantu interessat, poi, sas incongruentzias intra sas legges regionale e natzionale, si devet tenner' presente chi sa L.R. 26/1997 tutelat sa limba, s'istoria, sa cultura e sas tradiziones de SU POPULU SARDU, est sa L. 482/1999, sa legge nazionale, chi tutelat totu sas minorantzias istoricas chi "faeddan' in sardigna", a pattu però chi atuen' e perfezionen' SU PROCEDIMENTU de costituzione e riconnoschimentu chi est previstu in s'art. 3 (cosa chi in Sardigna, ancora, no hat fatu niunu forassiat che sa CSS in su propriu Istatuto e ... S'Iscola Sarda).
    S' Assontziu pensaiat de haer' cumpridu su propriu dovere cando, in su 1997, su Cussizu regionale, in su mese de santu 'Aine, hat aprovadu sa L.R. 26. Est po cussa chi hat tribagliadu da su momentu costitutivu sou e, su die, in s'Iscola Sarda, hamos fatu festa manna. Deo, cun sos ischentes mios, bos devo narrer' sa veridade, li riservamos unu momentu de ammentu dogni annu!
    Po torrare unu momentu a sa Carta europea de sas limbas, chi no est 'istada ratificada da s'Italia, Plumì..., ti fato osservare comente: a. con l'espressione "lingue regionali o minoritarie" si intendono le lingue
    i. tradizionalmente parlate nell'ambito di un territorio di uno Stato da cittadini di quello Stato che costituiscono un gruppo numericamente interiore al resto della popolazione dello Stato, e
    ii. diverse dalla/e lingua/e ufficiale/i di quello Stato;
    chi ispiegat su bisonzu de cudda "Delimitazione de s'ambitu territoriale" ch'est menzionadu in su primu comma de s'art. 3, L. 482/1999. Comente si podet osservare, finas s'art. 1 de sa Carta europea .... richiedit duas conditziones, identificadas cun "i." e "ii.", foltzis est po cussu, presumo, chi in su sigundu comma de s'art. 3, si richiedin' duas conditziones po su riconnoschimentu. Sa dificoltade manna cunsistiat a fagher' faeddare una pessone giuridica coment'est un'amministrazione, e po dare 'oghe a unu Comune bi cheret arte e mestieri, deves connoscher' s'amministrazione, deves ischire inue, comente e cantu, ti deves ischire mover' su chi importat sun' sos fatos concludentes!
    Sas "comunidades chi faeddan' ..." (o chi deven faeddare) sigundu s'ispiritu de sas Legges sun' sas locales (chi sun' sas solas caratterizadas da su ligame istrintu chi tenen' cun sos territorios de sa delimitazione linguistica), ma po fagher' faeddare sas comunidades tocat de nde lis connoscher' sos cabos, s'istrutura e sa cumpositzione, si devet ischire cun chie si tenet a che fagher' po l'ischire tratare, si l'intras cun modos apropriados sun' bonas de t'aberrer' dogni gianna, si l'isbaglias su passu ... ti la faghen' pagare e ti torran' a nudda: t'arruinan' .... e nde tenes tue de ponner' sas boghes chi tenes rejone e ses' in bona fide!!!!
    In su momentu chi semus chistionende de "comunidades locales" devimos cumprendet chi semus faeddende de Istituziones costituidas e riconnotas, de cuddas "pessones giuridicas" chi namos "ENTES", isprovvistos de cordas vocales ma .... chi poden' faeddare (e finas cun titulu). Diat a bastare una "Dichiarazione"!
    Torro rejone a Plùminus cando sustenet chi siat totu una chistione de interpretazione, ma b'est chie lu faghet cun titulu e chie lu faghet "po folclore", est incue chi naschen' sos problemas de incumpetenzia. Tocat de connoscher' "sos Comunes", est inie chi s'accollen' sas comunidades locales, inie si riunin' in sos cussizos, s'agatan' in sos uficios, in sos tribaglios. Una lezione de limba sarda podet diventare po una classe iscolastica finas "un'ora de educazione civica" (chi, po chie si cheret o si devet interessare de politica, diat a dever' restare intro sa base fundamentale) e finas .... de religione, bidu chi finas su termine "cultura" arrivat da cudd'antiga vena chi 'idiat sa comunidade impignada in sos antigos ritos chi distinghiat sos pius antigos cultos.
    Cun Plùminu e Marku nos semus connotos inoghe e ambos duos si caraterizan' da unu sardu espressione de s'apartenentzia issoro a su chi nois namos "su cabu 'e basciu". Marku, l'hat dichiaradu in dogni passu, apartenet a s'area sulcitana, Plùminus, lu narat su Nick, de su campidanu prufundu, deo, chi faeddo comente semper', chistiono unu no' mezus definidu "logudoresu comune" ma, da sas pagas batutas, paret chi nos siemas cumintzend' a cumprender'.
    Una norma standard, si la cheret riconnoscher', sa limba sarda la tenet giai, ma, pius che sa limba sarda la tenet sa "minoranzia linguistica istorica" (o, mezus, sas ....!). No solu tenet sa "norma standard" ma tenet finas sa literadura, tenet istudios istoricos de vera e propria linguistica fine. Deo no so' unu linguista ispecificu, sos istudios de sa limba los hapo cumintzados sighinde sos istudios giuridicos, sun' sas legges (e s'interpretazione issoro) chi fundan' sas regulas, in base a sas cale nos podimos (o nos devimos) regulare. Si s'Academia 'e su Sardu ONLUS o, diretamente, s'Assessoradu regionale de sa PP. II. diat a esser' interessadu a totu custa chistione no b'hat che a si fagher' presente, b'hat de 'ogar' a campu una serie de liberos iscritos in limba chi superan' sas barrieras chi dividin' logudoresos e campidamesos, gaddhuresos e tabarchinos, sun operas chi si poden' acoller' totu intro unu filu cumone chi las aunit in d'una collana. No mi piaghen' sos belleis ma, essende possibile la dia a regalare a totu sas pitzinnas de Sardigna. No, no est collana de prender' in su tuju, est materia chi si giughet in conca, prenda chi lughizat in ogios!!!
    Po Marku, chi accusat a Juanna Maria de fagher' cultura po interessu, diat narrer' chi si no b'haiat tentu interessu no nd'haiat fatu, s'interessu de Juanna Maria est su matessi interessu chi tenimos nois, s'interessu chi tenet dogni sardu chi 'iet bistratada sa memoria nostra. Juanna Maria, po su pagu ch' hapo tentu fortuna 'e la connoscher', est una de cuddas chi si rendet contu (foltzis pius de atere) de comente e de cantu si siat imbrutada sa chistione .... in sos interessos finantziarios.
    Est una materia, custa de sa limba e de sa cultura sarda, chi diat a poder' dare occasione de tribagliu e de 'alanzu (esserat solu in su saludu, chi est de cunsiderare balanzu mannu mannu, ca a tribagliare po ispender' comporende meighinas faghet, a su contrariu, manna sa tristura) a medas, ischindela interpretare e aplicare, ma l'han' posta in manos de pessones chi si poden' definire abucolotados, veros e proprios babeos, chi creen' de ischire totu e no ischin' nudda.
    Penso chi siat ora de la serrare ca m'agato a narrer' sas matessi cosas da deghe o bindig'annos a custa e, a bortas mi paret de indender' unu de cuddos giradischi cun sa puntina cunsumada de s'era antidiluviana. No est a s'Europa, a s'Italia o a sa Regione chi tocat a riconnoscher' un' istandard linguisticu ma a sas comunidades locales, su riconnoschimentu, poi, benit da su Cussizu provinciale chi l'adotat. Su procedimentu, chi est cumintzadu in abertura de su 2000, no s'est ancora perfezionadu e, finas a oe, no si sun' iscultados sos cussizos chi hapo chilcadu de dare in su tempus e, po no' currer' su rischiu chi m'esserat potidu intender' caligunu, m'han' serradu sa gianna in dogni logu. In su tempus chi issos pensaian' a si tapare sos bucos e a difender' sas posiziones acquididas, deo hapo postu a frutu s'esperientzia e s'istudiu cun sa Ricerca chi hapo sighidu in sos archivios istoricos, pubricos e privados, in bibliotecas, de ogni gradu e rangu, e finas in su territoriu inue hap'agatadu cosas chi faghen' restare a buca aberta, accollinde sas proas chi s'Isula nostra tenzat rilevantzia finas in su caminu chi su "populu 'e Deus" est faghinde po intrare in cudda suspirada "terra prummissa", chi essende ch'apaltenet a su "babbu" (chi est mannu) si candidat a esser' bida e interpretada comente "patria".
    Riconnosco sa rejone de Plùminus, cando sustenet chi tochet a sos sardos a riconnoscher' o disconnoscher' un'istandard, ma, comente in dogni logu inue b'hat un ordine e una disciplina, inie puru b'hat sardos e sardos. Nois, po fagher' s'esempiu, cun totu sa cultura e s'iscientzia nostra, contamos cantu su frigliu a tressette!!!

    M'iscuso po calchi isbagliu chi fato de iscritura, ma, a foltz''e digitare in sa tastiera, atachende e istachende, ctictende in sos tastos, a bortas ch''essit calchi litera a su postu de calchi atera. A bortas sos isbaglios puru sun' istudiados, po cunfunder' sas ideas e mascherare, difendindesi da sa retza chi no abaidat in faccia a niunu e .... sutraet. Essende chi bos poto 'ogare sas proas de comente su mundu siat pienu de "gurturjos", m'hazis a iscusare ma so' chilchend''e difender' su pane chi m'han' negadu in custos annos, m'han' leadu su materiale ma no l'han' ischidu ponner' a frutu, han' fatu un' afrontu mannu, ca est comente cando si furat in creja o si furat su sacrificiu e s'onestu tribagliu, chi, lu 'idides (tra creer' o chentza creer'), no batit nudda de 'onu. Mi ritiro, ringraziendebos de custa bella arrejonada, in su chizone Web, inue hap' a chilcare de fagher' una summa. Bos iseto inie po sighire, si pensades, s'arrejonu. Bi est, inie puru, sa possibilidad''e inserire cummentos a sos post chi bi sun' acoltos, ma, cosa chi mi paret pius possibile, sa possibilidad' 'e inserire cummentos a sas fotografias chi bi tenzo remunidas, in tzeltos casos preparadas propriu po esser' legidas.
    Penso chi po poder' iscrier' una norma istandardizata tochet primu a l'imparare a leger ma, s'unica "opera 'ona" chi sos difensores de sa LSC nos han' dadu de leger' siat su "Codice de su contribuente" de su cale, mi paret, esserat s'ultima cosa chi tenimis bisonzu. In su codice si descriet chie, comente e cantu devet pagare, dovere nostru, in calidad''e citadinos de s'educadu populu civile est .... a bi lis fagher' pagare.
    Ringrazio a Plùminus, in serrada, po sos dubbios e sos interrogativos chi hat postu, cunsignendenos cussos duos link chi hap' apretziadu, a Marku, po sas cunsideraziones chi hat agiuntu e su 'esser' inoghe "po imparare" e a Zarathustra finas .... po s'haer' mossigadu sa limba (so' cunvintu chi si aberit su rubineto no che ammuntat totu!). Cando sos iscambios e sos cunfrontos si tenen' subra custos livellos est finas unu piaghere a los tenner' e a los sustenner', ispero chi sos chiarimentos chi hamos potidu tenner' nois potan' esser' utiles po totu. In ultimu, ma non infine, un grazie finas a Juanna maria solu po sa presentzia costante in custu jassu (ca si mi dia a illonghiare poi finit chi mi nades chi so' limba mala). Su 'e l'ischire, po coment'hapo tentu modu 'e la connoscher', est garanzia po totu nois de frenu e moderazione, sa limba chi l'hapo 'idu impreende est de pagas peraulas ma pesantes, in sintesi no b'hat bisonzu de giros meda po narrer' sa veridad' 'e sos pitzinnos (chi est chentza culpa, inossente). Podimus finas fagher' calchi isbagliu (chi est umanu) ma si nos assistimos unu cun s'ateru, finamentas cando b'hat de dare calchi innadigada o calchi iscatulada a chie 'essit da su semenadu, penso chi nde potat risultare beneficiu a totu e a dognunu. Ispero chi, partinde da inoghe, nde risultare calchi beneficiu siat a livellu 'e singulos che de totu sos culletivos. Una cosa sola restat de fagher' a cumprender', in s'ambiente indipendentista, sa cumpositzione de su populu cumprendet comunistas, fascistas, moderados, democraticos, repubblicanos, liberales e dogni atera razza 'e posiziones, dognunu podet pensare su chi ritenet oportunu, podimus narrer' e riconnoscher' chi una minoranzia linguistica istorica de sos sardos siat comunista, ma, a cunfuder' su populu sardu cun sos unos e cun sos ateros no est possibile, chilcamos de no' fagher' cunfusione ca finas sas categorias de sa politica dimandan' su rispetu issoro!

    Laughing jocolor study jocolor Very Happy
    Ciao!
    avatar
    juanna maria

    Messaggi : 319
    Data d'iscrizione : 03.02.09
    Località : potene secare tottu sos frores...ma non potene prennere su beranu

    Re: Acadèmia de su Sardu

    Messaggio  juanna maria il Dom Mag 10, 2009 3:28 pm

    oh! Fizzu! astringhe s'arrejonu , chi enit male a leghere , bette irvolicata de savanu!

    Razz

    Contenuto sponsorizzato

    Re: Acadèmia de su Sardu

    Messaggio  Contenuto sponsorizzato


      La data/ora di oggi è Gio Set 20, 2018 4:18 pm