SARDIGNA NATZIONE INDIPENDENTZIA - UNIDADE INDIPENDENTISTA

Su Forum de sos Indipendentistas Sardos / Il Forum degli Indipendentisti Sardi


    volantino distribuito in migliaia di copie alla cavalcata sarda

    Condividi
    avatar
    sardignaruja

    Messaggi : 74
    Data d'iscrizione : 04.02.09
    Località : Thattari

    volantino distribuito in migliaia di copie alla cavalcata sarda

    Messaggio  sardignaruja il Lun Mag 25, 2009 1:49 pm

    volantino distribuito in migliaia di copie da a Manca pro s'Indipendentzia alla Cavalcata sarda. se credete fatelo circolare il più possibile

    grazie

    cristiano sabino


    Custa est die de festa manna

    Oe comente onzi annu su Populu Sardu s’atobiat pro manifestare s’esistentzia de isse matessi, cun sa traditzione de cantos, de bistimentas, de musica e ballos, de mandigu, de giogu, de umanidade, in d’una paraula sola, cun sa cultura sua.
    Custa die est ‘istada istituida sutta de sa dominatzione de sos Savoia. Sos politigos de cussu tempus aiant sa volontade de fagher creder chi su populu sardu cheriat essere guberavadu dae sos soberanos de su continente e li faghiat festa manna. Su fattu matessi chi custa die at sighidu a essere de festa mancari chentza sos soberanos, sa creschida in sos annos de custa manifestazione, su sentidu chi sa zente ‘oghat a pitzu, declarant su contrariu.
    No semus mai istados suttumissos. No amus mai completamente atzetadu sa fusione a s’internu de un ateru istadu.
    Chie chircat de nos fagher creer chi de custa festa e de nois resistit solu su folcklore de bender e de ismerciare a su turista, in una die comente custa tebet fagher sos contos cun su chi est in realtade su populu nostru.
    una Natzione kentza Istadu
    Intro de a nois esistint sas fundamentas pro rivendicare sa differentzia sustantziale nostra, no detzidida intundu a una mesa dae carchi intellettuale chi tenet cabu. Est in sa terra nostra e in sas nostrar risorsas chi esistit sa forza de poder essere indipendentes. Sa volontade de fraigare s’indipendentzia nostra la debimus agatare connoschinde sa logica coluniale de isfrutamentu de sa terra e de su nostru populu, mirande a su tempus benidore chi nos at preparadu s’istadu italiano: terra de depositos de armamentos de gherra, bases militares, divisas.
    No podimus girare sa cara a sas lottas chi sos traballadores, die pro die umiliados, sunt faghinde. Sa nostra solidarietade de populu est pro sos traballadores de PortuTurres chi sunt gherrende pro su traballu. Depoi de medas annos isfrutados, depoi chi los ant bendidos a su chi pagat de prus, comente un’iscatula de ciucculatinos, depoi de aer connottu s’inquinamentu de sas fabbricas anzenas produidu in terra nostra, depoi chi ant pagadu e pagant cun su saludu sas malattias chi faghent morrere su nostru populu, oe sunt custrintos a bidere sos meres de sa Rinascita Sarda fuindesiche cun su dinare pro lu cuare in ateru loghu o pro lu ricapitalizzare in cussos istados inue sos derettos de sos traballadores sunt mascamente prus debbiles de sos nostros.
    Su sentimentu de appartenentzia de populu, mascamente ammustradu dae sa bellesa de sas nostras usantzias, dae sos colores de sa tradizione nostra, dae sa varietade de sa limba, no esistit kenza nos ammentare chi sa terra nostra est die pro die distruida e affamada. No esistit kenza nos dare abisu de comente su giogu italianu nos impedit de torrare a nascker e poter vivere cun sas immensas ricchesas nostras de Populu e de Natzione.
    No semus italianos, et niunu est resessidu a nos faghere diventare atteru dae cussu chi semus. Semus Sardos et Sardas.
    A che la colare ‘ene custa die…pro una die menzus...fintzas a s’Indipendentzia
    a Manca pro s’Indipendentzia Setzione“Moncada” Tathari
    www.manca-indipendentzia.org

    Marku

    Messaggi : 306
    Data d'iscrizione : 26.02.09
    Età : 66
    Località : Bidha'e Cresia

    su mentris

    Messaggio  Marku il Lun Mag 25, 2009 2:57 pm

    Saludi Cristianu, su paperi chi eis fatu bandara beni, ma si 'ollu nai ca sigumenti sa Cavalcada est una cosa de totu canta sa Sardigna, diacci e totu funt is problemas chi oj biveus in su trabballu. Duncas noest scetti Portu Turre, est Othana, Porto Vesme, Bidha'e Cresia, is trabballadoris de is impresas chi funt impinnaras in su G8, paris cun is impresas sardas. Cumenti eis marcau in su paperi est una cosa chi est de totu canta sa Sardigna, sa dì'e safesta e sa dì'e sa lota! Saludus indipendentistas.
    avatar
    sardignaruja

    Messaggi : 74
    Data d'iscrizione : 04.02.09
    Località : Thattari

    Re: volantino distribuito in migliaia di copie alla cavalcata sarda

    Messaggio  sardignaruja il Lun Mag 25, 2009 7:41 pm

    essendo una iniziativa della sezione di sassari e non di a manca nazionale, evidentemente i compagni hanno preferito parlare di più delle vertenze locali.. comunque ne terremo conto per il prossimo anno. grazie della dritta!!

    Contenuto sponsorizzato

    Re: volantino distribuito in migliaia di copie alla cavalcata sarda

    Messaggio  Contenuto sponsorizzato


      La data/ora di oggi è Dom Dic 16, 2018 11:11 pm