SARDIGNA NATZIONE INDIPENDENTZIA - UNIDADE INDIPENDENTISTA

Vuoi reagire a questo messaggio? Crea un account in pochi click o accedi per continuare.
SARDIGNA NATZIONE INDIPENDENTZIA - UNIDADE INDIPENDENTISTA

Su Forum de sos Indipendentistas Sardos / Il Forum degli Indipendentisti Sardi


2 partecipanti

    sa budhidroxa

    avatar
    Marku


    Messaggi : 306
    Data di iscrizione : 26.02.09
    Età : 71
    Località : Bidha'e Cresia

    sa budhidroxa Empty sa budhidroxa

    Messaggio  Marku Mer Lug 22, 2009 7:21 pm

    SALUDU A SA PRESIDENTI DE SU CONSILLU REGIONALI DE SARDÌNNIA
    SALUDU A TOTU IS RAPRESENTANTIS DE SU PÒPULU SARDU
    Sa cunfederatzioni sindacali sarda de 24 annus assumancu, de candu est nàscia, est denuntziendi sa crisi de sa chìmica in Sardìnnia. Imoi est ora de nai sa cosa comenti est.
    Sa chìmica in Sardìnnia est spaciada! E incapas est spaciada in Marghera puru, poita s’ENI at totu cambiau su pianu suu de is imbistimentus e est ghetendi-sì a is energias noas e lìmpias.
    Is Sardus ant spèndiu unu sciacu mannu de dinai in custu setori : 2.800 milliardus de is francus bècius (sa lira italiana), si-ddus at donaus a Rovelli, in su 1997, su Crèditu Industriali Sardu, po ndi pesai is impiantus de Portu Durra (Porto Torres) e s’IMI iat dèpiu donai àterus 1.000 milliardus de licuidatzioni a sa famìllia Rovelli. Giai in is annus ’90 s’ENI iat incumentzau s’arrevolutzioni tennològica in is impiantus suus prus importantis e candu iat torrau a assetiai sa cosa, dònnia borta po sa Sardìnnia boliat nai a nci perdi postus de traballu. De unu contu chi eus fatu nosu, ndi est bessiu a pillu chi po sa chìmica in Sardìnnia eus spèndiu su tanti de duus pianus de Rinascita.
    Su chi ndi eus tentu comenti a stipèndius o àteru guadàngiu econòmicu po su logu nostu est tropu pagu e no abastat mancu a arrangiai su dannu chi s’at lassau s’indùstria de s’ENI po su chi spetat a s’ambienti o a is maladias, càntzeru etc., chi s’agataus aundi totu ant traballau is indùstrias. Sa positzioni de sa CSS est crara.
    Nosu boleus s’unioni de su pòpulu sardu po sa chistioni chi seus arrexonendi oi, cun custas cunditzionis:
    1. A nci bogai de s’ìsula nosta a s’ENI cun dinnidadi e firmesa. Nosu Sardus si-ndi depeus stantargiai po nci bogai a s’ENI, chi at fatu dannu meda in Sardìnnia. Naraus cun craresa, arremonendi a su poeta latinu Virgìliu, “ Timeo Danaos et dona ferentes ”. No si penseus una cosa chi no est, s’ENI s’iat a podi arrendi puru a su chi bolit sa polìtica o su sindacau o su pòpulu, mancai lassendi in Sardìnnia is traballus peus, is prus chi imbrutant su logu, is chi nemus bolit prus in Europa. E custu puru est un’arregalu aferenau, poita iat a bolli nai a spendi àteru dinai, meda, po su Stadu o po sa Regioni, e is postus de traballu chi s’iant a aturai iant a essi pagu cosa diaderus, forsis po unus cantu mesis sceti, comenti est giai capitau in su tempus passau.
    2. S’ENI paris cun su Guvernu de sa Repùbrica, chi po mesu de su Ministèriu de su Tesoru est unu de is atzionistas suus prus mannus, prima de si-ndi andai, si depit pagai totu su dannu chi s’at fatu.
    3. Is espertus de sa Regioni depint carculai su dinai de depi pediri a su Stadu e custu dinai bolit torrau a imbistiri po limpiai su logu e po ddu torrai comenti fiat prima.
    Ghetaus su bandu po ca is giòvunus nostus, laureaus in ingennieria, biologia, geologia etc. e is operajus nostus agatint traballu luegus in is traballus de bonìfica. Segundu is carculus nostus, nci est traballu po 20 annus assumancu.
    Sa Regioni depit imbistiri in s’energia lìmpia, soli e bentu ainnantis de totu, arrespetendi sa bellesa de su logu. No aceteus cun fortza s’idea de ndi mandai a innoi s’àliga nucleari, ma penseus ca seus un’ìsula de turismu.
    Impereus is pannellus de su fotovoltàicu in is zonas industrialis chi no funt traballendi prus e chi funt adanniadas, po mala sorti nosta.
    Promovaus un’arreforma bera po modernizai su traballu de su messaju e de su pastori ponedendi-ddus in cuntatu cun s’industria po traballai is produtus nostus de su sartu e de su bestiàmini.
    Imbistaus in sa pisca, in su turismu de is cungressus e culturali a totu annu, in s’artisanau cun is cuncursus temàticus.
    Afortieus su tessìngiu, movendi de sa Legler chi bolit torrada a ponni in motu, e su tapetu sardu aicietotu.
    Torreus a fai caminai s’economia de sa connoscèntzia e de is tennologias noas e modernas, ponendi stima a s’abilèntzia de is giòvunus nostus.
    No est nau chi, andendi beni custas cunditzionis, abascendi su PIL si depat abasciai su tenori de vida de is Sardus puru! No pongaus in menti a custu mitu de su PIL!
    Su boboi est spaciau po s’ENI in Sardìnnia, anca at fatu dinareddu e s’at lassau morti e dannu.
    Est printzipiendi oi, sa festa nosta bera. Nosu Sardus depeus imperai custa crisi internatzionali po cambiai pàgini e pensai a unu svilupu nou.
    Festa de su Pòpulu Sardu poita eus agatau s’unioni torra,
    Festa poita si seus incarrerendi in su mori de su svilupu nostu beru.
    Lìberus de guvernai su svilupu de sa terra nosta, arrespetendi su logu, is comunidadis, sa genti.
    Sigurus de aberri una caminera de benistai e de prexu po custu pòpulu nostu e po sa Natzioni Sarda.
    Casteddu, su 15 de mesi de argiolas de su 2009
    Su Segretàriu Generali de sa CSS- Dott. Giacu Meloni
    Sa delegatzioni Sindacali de sa CSS -Marco Mameli, Antonello Carai, Mario Abis, Mario Melis
    Furriau in sardu de Ivo Murgia

    Custu interventu dh'apu agatau in d'unu jassu "democrazia oggi", deu a nai sa beridadi, mancai nci apu ligiu cosa beni naras, no biu perou totu custa felicidadi, poita candu ses a culu in terra in cig o ita abbarra pagu cosa de si ponni a arriri. saludus indipendentistas.
    juanna maria
    juanna maria


    Messaggi : 319
    Data di iscrizione : 03.02.09
    Località : potene secare tottu sos frores...ma non potene prennere su beranu

    sa budhidroxa Empty Re: sa budhidroxa

    Messaggio  juanna maria Mer Lug 22, 2009 9:09 pm

    zertu chi Meloni chene su Dott. non bi potet istare Laughing
    avatar
    Marku


    Messaggi : 306
    Data di iscrizione : 26.02.09
    Età : 71
    Località : Bidha'e Cresia

    sa budhidroxa Empty Re: sa budhidroxa

    Messaggio  Marku Mer Lug 22, 2009 10:16 pm

    Saludi Juannika, est inutili chi tengara sa laurea e no tenniri sa cultura de su sindacalismu indipendentista! De su 2002 dus a oj nci at perdiu su Sulcis, cun prus de trexentus iscritus e Sassari, ti pariri ca sa cricca chi liggis in fundu'e sa pagina funt is meris de sa CSS, is chi abellu a bellu dha funt isderruendi. Liggi cust'articulu e pensa a sa felicidadi de custus segretariedhus de tres e unu sodhu:
    Crisi metallurgica del Sulcis
    A rischio 6.000 posti di lavoro
    Una grave crisi sta colpendo il settore della metallurgia del Sulcis. I sindacati chiedono alla Regione che si prendano provvedimenti per salvare 6.000 posti di lavoro.
    Seimila posti di lavoro sono a rischio nelle industrie del Sulcis a causa della grave crisi che sta colpendo il settore della metallurgia e i provvedimenti che dovevano salvare le aziende tardano ad arrivare. Lo denunciano i sindacati provinciali di Cgil, Cisl e Uil e le Rsu delle varie aziende che hanno rivolto un appello alla Regione e al Gioverno affinchè nel tavolo in cui si sta discutendo della situazione Sardegna rientri anche il Sulcis. I sindacati lmentano in particolare il fatto che la legge sullo sviluppo economico approvata dal Senato e che prevedeva di riconoscere tariffe elettriche agevolate alle aziende energivore come Alcoa (alluminio) e Portovesme srl (piombo e zinco) non sia ancora operativa per cui non si conosce ancora quali saranno le tariffe e chi potrà usifruirne. Inoltre non è stato ancora firrmato l'accordo di progranmma con la Portovesme srl al quale sono legati investimenti per 140 milioni di euro
    Martedì 21 luglio 2009 20.27
    Saludus indipendentistas.
    juanna maria
    juanna maria


    Messaggi : 319
    Data di iscrizione : 03.02.09
    Località : potene secare tottu sos frores...ma non potene prennere su beranu

    sa budhidroxa Empty Re: sa budhidroxa

    Messaggio  juanna maria Mer Lug 22, 2009 10:20 pm

    a ti narrer su veru, mancu l'appo lessu, est chi cada via firmat chin su DoTT. in dainnatis , est una "curiosità" , una cosa chi appo semper notato

    Contenuto sponsorizzato


    sa budhidroxa Empty Re: sa budhidroxa

    Messaggio  Contenuto sponsorizzato


      La data/ora di oggi è Gio Mar 28, 2024 11:52 pm