SARDIGNA NATZIONE INDIPENDENTZIA - UNIDADE INDIPENDENTISTA

Su Forum de sos Indipendentistas Sardos / Il Forum degli Indipendentisti Sardi


    Podeus fai mellus

    Condividi

    Marku

    Messaggi : 306
    Data d'iscrizione : 26.02.09
    Età : 66
    Località : Bidha'e Cresia

    Podeus fai mellus

    Messaggio  Marku il Gio Set 03, 2009 9:00 pm

    Sa situatzioni no est tanti allirga oc’annu puru:
    1)distrutzioni de su logu nostru cun fogus: in su mesi de lampadas settixentus mila metrus cuadrus de terrenu de Bidha Romosa fintzas a Silicua, nd’at pinnicau pastura, pinetas, crachi, ocalitu;
    2)Ant sighiu fogus mannus in Gadhura, in Campeda e in sa Planargia, in Scivu in su fluminesu;
    Is testimongius m’ant nau, in logu’e Sindia, ca apustis chi s’elicoteru arrinesciat a ndi sturai su fogu, apustis de unu cuartu’e ora fiat torrendi a partiri 30-50 metrus prus ainantis, candu si narara ca s’antincendiu est donau a is privaus…elicoteru 3.000 euros/ora, aereu 6.000 euros/ora. Intanti contaus dus mortus oc'annu puru!
    Su chi apu biu est unu dannu mannu a s’ambienti, saludi, economia. De Cargeghe a calai conca a Bonorva, a deretu e a manca su logu est niedhu, de is sruexus de Suni, de su nuraxi Nuradeo, a torrai conca a Tinnura e Frussìo, bingias e ulivarius, passaus in fogu.
    Atras cosas chi apu potziu biri cun disprexedi mannu est s’alliga chi lassaus in is pratzas po si firmai is machinas, de sa provinciali chi lassara sa SS 130 po andai a Bidha Romosa e torrai conca sa SS 131, nc’est s’alliga a muntonis.
    In tantis stradas chi eus controllau s’annu passau po contu’e sa regioni, po “Sardegna fatti Bella”, is cosas funt andaras peus.
    Sa SS 131, teneus axidu abettendi sa Olbia-Sassari, est posta in siguresa fintzas a is partis de Aristanis, sa parti chi torrada de Portu Durre conca a basciu est unu disisperu: in mesu de is barrieras nci cresciri s’accacia, s’asfaltu est becciu in tretus mannus, is scambias moris po Putu Majore e Sindia, funt ancora a s’antiga, unu mori nou de Macumere a Sindia, chi pigara e s’ingruxara cun sa SP 129bis est una strada perigulosa.
    Su turismu, apu agatau Bosa prus pulia, Stintinu incasinada, cun tropu genti chi no si sciri aundi dha poni, domus fatas a cudha manera in s’oru’e mari e facci a s’Asinara.
    Sa Planargia, bellu logu, bidhas bellixedhas e beni tentas, mancai dhoi funt tropu domus sbandonaras, una terra bella, cun medas lacus de acua, nuraxis in tantis partis, cresias antigas prenas de operas chi bisongiara a fai conosci, mancai pensendi a unu turismu religiosu, chi fetzara su giru de Sindia-Suni-Tinnura-Sagama-Frussìo-Modolo-Magomadas-Tresnuraghes, Bosa, berus Sardus? Eh, oc’annu sa malvasia de Bosa cun cussa passara’e fogu, no sciu ita nd’at a bessiri! M'est capitau de biri s'ardia in Frussìo, toga! Ti nau ca de Bosa a Tresnuraghes cun su trenixedhu, est istetia una cosa tropu toga, perou pighea in gestioni sa stazioni, ca no dhoi est nimancu unu bar! Comuncas, est istetiu unu viagiu de interessu a cumintzai de Santa Cristina, aundi mi seu agatau a fai sa guida a is turistas in paris a una picciocca de sa cooperativa, chi mi pregontara si emu scritu calincunu libru, ge m’at a toccai a dhu fai…Nci fiant custus picciocus romanus chi naranta, ca is ajajus nostrus no fianta bascius po essi fatu cosas diacci, perou de scritu... e deu, a parti ca ant fatu custas turris, custus putzus chi castianta a is istedhas, scrienta a cugnu, ant fatu is gigantis de Monti’e Prama, teniant portus in Solki, Bosa, Olbia, Nora, Pula, Neapolis, Othoca, Tharros. Una picciocca romana, mi faidi: Già… la Sardegna ha tutta un’altra storia, il latino… e deu, chini at fundau Roma? (facis legias), Enea cun is chi funt scampaus a sa distrutzioni de Troia de parti’e is grecus, duncas su latinu est a dha nai in pagus fuedhus una lingua indoeuropea. Atrus dus laureaus, m’ant nau: Dovevamo venire qui per sentire come è stata la storia. Cun is bretonis, chi m’arregordant po fintzas ca Asterix iat firmau is romanus. Sa pregadoria prus manna, chi mi fadiant totus fiada de difendi s’ambienti e sa cultura nostra. Ndi teneus gana e fortza? Saludus indipendentistas.

      La data/ora di oggi è Dom Dic 16, 2018 11:12 pm