bonificas sindacalis

Sa manifestara de adiseru in Castedhu de parti de is sindacaus italiotas, ponniri sempri in luxi probremas beccius chi nemus bolliri biri s’accabbu! Candu, annus a oj si denuncianta is malefattas colonialis, si piganta po maccus, timiant de perdi cussas cosixedhas chi dhus iat arregallaus s’Italia, ma custa genti chentza de memoria istorica aundi bandara? Si funt iscadescius de s’istoria de is minieras sardas, ita s’ant lassau, ant sighiu sa propiu politiga cun totus custas industrias chi ant isderruttu s’economia, s’ambienti, sa saludi e su trabballu, is risultaus funt a suta’e is ogus nostrus.
Casi trintacincu annus faidi, po Portovesme iant impromitiu su famidu “pacchetto Piccoli”, depit essi istetiu diacci pitticcu ca no d’eus biu nimancu maniggendi sa lenti de Palomar! Po si ndi portai Othana, Sarrok, Portu Turre, ant po fintzas e postu in peis “Commissioni parlamentari di inchiesta”, a inoi si nd’ant portau fabricas de canchiru chi no ant bofiu nimancu in S’Africa’ e su Cabu’e Basciu. Oj mi biu e intendu totu custa marmallia, chi at votau po Ughetu, prangendi e andendi a chistionai de bonificas, ma no ant cumprendiu ca is iscorias funt issus! Ca si is bonificas funti acomenti’e cussas de su parcu geo minerariu, nc’est de prangi a paracua abertu! Saludus indipendentistas