Carissimos,
Gavinu hat iscritu una liter' a s'Europa nende chi diat a cherrer' ma no podet, mentres chi SNI diretamente a votare no b'andat e afrontat sa "trasferta a Brusselles", in tempus chi in Bruxelles b'hat clima de ismobilitazione (sas eletziones faghen' rientrare "a domo" totu sos candidados, sos elegidos han' finidu su mandatu), chie bi restat .... sa burocrazia europea e sos impiegados in sos uficios?
Irs hat istampadu (naran' sos giornales) 800.000 de cussos volantinos e che los diat a cherrer' "allegare" a sas ischedas, ma, cunsideradu chi no cheren' a b'intrare mancu su cellulare, in cabina elettorale no penso chi si potat bintrare cun "sos foglieddos", si puru calchi d'unu poterat abucare a sas seduziones pseudo-indipendentistas ponindeche sa literedda intro s'ischeda eletorale, tocat a lu narrer', est attu de summa ineducazione civica, lassas "s'ischeda" bianca e, in su momentu de sas cuntestaziones e de sas distrazione bi podet bessire finas calchi rughe a matita copiativa.
Mai comente in custu momentu mi so' intesu "fora da s'Europa", no est solu una chistione eletorale ma de possibilidades de progetare, programmare e .... faghet finanziare.
Semus fora da s'Europa ca su ligame chi nos teniat unidos s'est segadu. S'Italia nd'est bessida, si no isbaglio, da s'OBIETTIVU 1, sa Sardigna restat semper' a 0.
Da s'ala 'e "su Chizone Web" sigo a sustenner' chi si potat fagher' una grande figura in sas eletziones invitende sos eletores a esprimer' su propriu votu cun su Sinnu 'e s'Identidade.
Ite si bi andat a fagher' a Bruxelles, sa figura chi hat fatu UNIDADE INDIPENDENTISTA in sa 'essida de Arcore a sas regionales o sa solita iscampagnada?
Deven' esser' cuntentos sos cumpagnos chi che cherian' leare UNIDADE a sas biddas, devet esser' chi sa Direzione Natzionale de SNI in calchi modu o manera a Brusselles bi fu' crefida andare!
Bastat una frimma in s'ischeda elettorale po aderire a sa campagna de riforma de sa Legge elettorale in campagna elettorale. No b'hat bisonzu (penso) de torrar' a narrer' su matessi quaquaraquà subra sos mecanismos de sos collegios europeos, no bidimos chi han' collassadu sas COMUNIDADES MONTANAS, chi sighian' sas lineas de principiu de su quadru Europeu? In sa Regione (chi in materia no podet fagher' ateru che assistere) sun' segados fora, su discursu, invece, interessat sas Provincias (e, in s'ispecificu, sas bator' de costituzione regionale).
Chistionende cun bois, sas dies coladas, hamos apuradu chi finas rubinetos de tutela e valorizatzione de sas "minorantzias linguisticas istoricas" sun' serrados, podimos mustrare chi politica europeainoghe no si nd'intendet, totu est ..... in sa Regione, foras da inie ..... neula iscurosa e peraulas chi pienan' sa 'uca de badas.
Tocat a andare a votare sighinde sos canones de sa legalidade, chenza criare turbamentu, de modu chi sigat sa idea de unu populu educadu e civile cale su Sardu s'est semper' mustradu, ma no si podet dare a bincher' a un imbrogliu colossale cal'est sa legge elettorale po sas europeas.
Bastat una frimma in s'ischeda elettorale po fagher' dichiarare su votu "nullu", ma, mentres chi in calessiat ateru modu no tenet efetu, cun su sinnu 'e s'identidade podimus finamentas cumintzare a nos contare!!!
Indice
