*sardus.filius* Sab Mar 21, 2009 2:50 pm
Uè, si no m'ilbaglio sa fotografia de Isandro est sa prima chi essit in su forum, in mesu de totu sos dibattitos e sas discussiones diat a meritare un interrogativu nessi po ischire comente si faghet. Finas a-i como nos semus limitados a iscambiare peraulas, cun sas fotografias faghet unu saltiu de categoria tota sa discussione, una fotografia bene sestàda, a boltas, balet pius de milli peraulas e faeddat in suntos. Una immagine goi che la dia a mandare finas a Berlusconi e a Sarkozy in signu de manifestazione contra su nucleare in Sardigna. Si est beru chi che circolat americanos de sunda cun su motore de ricerca, los prego de cumintzare a informare sos "altos grados". Chie hat fatu cussa fotografia diat a poder' meritare, sigundu me, finas unu premiu, ite nd'isco, su giru 'e su mundu!
L'hapo signalada finas a sos amigos de Zente de Sardigna ch'est in FACEBOOK e ch'hap'invitadu a la 'ier' e a la cunsiderare finamentas totu sos amigos mios!
Custa cosa de sas fotografias est de malcàre comente momentu de creschida e arrichimentu de dognunu 'e nois. Cun sas fotografias podimos faeddare finas "mustrende" e, si nos benit bene, podimos arrivare finas a fagher' faeddare sas pedras. Comente si faghet a ponner' una "Photo"?
Osservo, Isa...., chi ses' a su primu interventu in su forum e (si custa est sa presentazione) ti dò su benennidu, cando poi cunsidero chi faghes custa intrada su die de "su compleannu" chi dichiaras, lu cunsidero unu bonu pensamentu e unu regalu chi ti faghes. A mie e, penso, a totu nois no nos restat che de ti ringrare po custu "regalu" chi t'has e nos has fatu. Grande!
Indice
